澳門深度遊 - apr 23-24, 10 (part 1)

都成9個月無回鄉..........自掏腰包住咗氹仔君怡因叫做幾平吓...........今次做planner有點難(下删3000字,hahaha)..........不過幸好大部份嘅餐廳都滿意,也有令人驚喜嘅dishes~~~~

1) 澳門新龍記

地址 : 沙梨頭南街29號地下C舖 (紅街巿大斜對面)

電話 : 2825 2517

消費 : mop36/head (ie total mop178)

營業時間 : 7.00am-2.00am

整體評價 : good 

apr 23, 10,5人嚟到澳門即刻食個午餐,叫咗 :

1) 蟹皇撈麵+蟹皇 x 2 (@mop23+12)

-咁叫即喺1份麵配2份蟹皇

-呢個咁刁鑽嘅叫法,當然喺食友教我啦,hahaha

-蟹皇幾有蟹鮮味,以咁嘅價$$$$,已交足功課了

-底下其實浸有蟹皇油,所以個麵都可以帶有蟹鮮味

-麵質唔算好彈,但都ok的,反正呢碟嘅主角喺蟹皇

-碗湯飲到有魚味,亦混有輕微嘅胡椒味,也是可以喎

-好好味,所以最後都encore叫多1個

2) 香煎墨魚餅 (mop34)

-不是結實爽彈版,喺腍嘅version,間中食到有細細的墨魚粒

-調味不錯,但有點懷疑是否全出自墨魚膠,定喺有其他材料

3) 蝦干魚蓉粥 (mop19)

-試咗2啖,喺無米花嘅做法

-但味道因為有蝦干,所以都會有點鮮味

-亦見到細絲細絲的魚蓉

-也食得過

 

4) 蠔仔濕炒麵 (mop28)

-呢個個麵炸得帶脆,又唔油膩,個麵就讚

-不過蠔仔不夠肥美同鮮味,而且淡口咗d,大大拖低其整體質素

5) 大枝可樂x 3 (@mop7)

-友人就覺得味道同香港的不同,呢枝差好多,帶點藥水味咁

6) 罐裝汽水 (mop6) 

後記

- 全餐評價最高當然喺個蟹皇撈麵啦,其次就喺個魚蓉粥

2) 新爽爽豬肉丸美食

地址 : 雅廉訪大馬路109B德運大廈地下A舖 (紅街巿嘅龍華後面,對面喺聖心學校)

電話 : 2848 2027

消費 : mop12/head (ie total mop60)

營業時間 : 7.00am-7.00pm

整體評價 : good 

apr 23, 10,大家跟住我嘅行程食個午餐下集,5人叫咗 :

1) 爽爽招牌雙丸 (mop22)

-喺淥豬肉丸同墨魚丸

-豬肉丸爽,估不到個墨魚丸仲好味因為爽彈之餘,仲食到大粒嘅黑魚粒添

-2者嘅質感都比較鬆

-佢可以有3種食法,跟上湯,即喺好似宜家咁,仲有葡汁同咖喱汁

-店員好主動咁"匹"齊葡汁同咖喱汁比我哋試吓

-我哋都覺得呢個上湯嘅中式食法最配

2) 爽爽煎韮菜餃 (mop18)

-個皮煎得挺身,又薄,韮菜肉餡又多

-真喺做到皮薄餡靚

-不錯

3) 爽爽煎墨魚餅 (mop20)

-見個墨魚丸做得咁好,所以就叫埋墨魚餅試埋佢

-但個質感明顯比個丸實,而且亦無混到墨魚粒,所以口感上亦稍遜

-另外亦油咗d

-所以1致喜歡墨魚丸多d

後記

- 喺附近嘅金魚店外養咗隻貓,佢好可愛,又乖,仲比你同佢shake hand添~~~

3) 阿烏綠茶

地址 : 雅廉訪大馬路107號地舖 (紅街巿嘅龍華後面,對面喺聖心學校)
電話 : 2821 5866

消費 : mop9

整體評價 : fair 

apr 23, 10,喺爽爽附近,發現呢間比較少見嘅台茶店,而且企喺旁邊等友人時,就聞到好香茶味,所以好少飲台式奶茶嘅我就試咗 :

1) 凍阿烏奶茶 - 中 (mop9)

-甜度適中

-茶味比較淡,奶味都有,不過唔算好出

-雖然香港開到成行成巿嘅台式飲品店,不過我都無嘜點飲過,所以我唔多知道佢有幾好

後記

- 番到嚟香港check吓,原來香港都有2間的

4)  馮記三盞燈豬腳姜

地址 : 三盞燈 (新橋)圓形地街市熟食檔

消費 : mop7/head (ie total mop33.5)

營業時間 : 9.30am-7.30pm

整體評價 : fair
 

apr 23, 10,經過開呢度,襯未到weekend,無人排隊,所以叫咗幾串 :

1) 豬皮,豬耳,小腸 (mop15.5)

-個醋汁嘅酸度多過甜味,所以其1友人會覺得酸咗d

-我1貫都唔多好薑醋,但都ok

-3樣嘢中,豬耳用薑醋煲都ok因豬耳有其特性,有咬口之餘,亦唔多會索滿薑醋汁,比較對我嘅口胃

2) 豬腳,蛋 (mop18)

-原來友人之中有個薑醋王,所以就買咗出名嘅豬腳同蛋

-聽說隻蛋好入味,但又不會醃到實晒

-友人嘅comment話個薑醋都ok,亦接受到薑醋嘅酸度

5)  Lemoncello Gelato

地址 : 新馬路大堂巷11號地下

電話 : 2833 1570

apr 23, 10,大家都行得好熱吓,4人各自叫了1杯,不過我要保留實力食牛什,無跟
 

 

6) 楊六記

地址 : 新馬路爛鬼樓草堆街橫巷1B地下
消費 : mop4/head (ie total mop20)

營業時間 : 2.00pm-6.00pm

整體評價 : good

apr 23, 10,終於可以食到啦,叫咗 : 

1) 草肚+牛蹄 (mop10)

-有溫和嘅牛燥味,調味不過鹹但夠味

-草肚好入味,又腍

-原來牛蹄入口滿是膠質,炆到腍晒

-所以食完呢碗之後,我又去買多碗

2) 牛什 (mop10)

-因為去到時間已晚 (>5.30pm),所以餘下嘅位置唔多,想食嘅牛頭皮,沙瓜都賣晒

-咁就叫個什,咩都有少少咁啦

-呢度有牛氣管,肺,膀............

後記

- 之前好多次嚟澳門,都有不同嘅原因,所以食唔到,今次終於趕得切嚟食 
- 澳門有好幾檔牛什好出名,但呢度嘅牛什嘅味道唔同,佢嘅汁唔會好濃/惹味,只喺溫溫的,但就覺得佢個汁都味道豐富,好似用咗好多材料去整,而牛什亦有牛燥味

7) 洪馨椰子

地址 : 新馬路果欄街14號地下

電話 : 2892 0944

營業時間 : 9.00am-1.00pm & 2.30pm -7.00pm 

apr 23, 10,順道帶咗佢去飲埋鮮榨椰汁,不過我要留肚食羊腩煲,無跟

8) 無名羊腩煲

地址 : 營地大街同關前正街交界

消費 : mop17/head (ie total mop85)
營業時間 : >6.30pm
整體評價 : fair

之前聽過食友講過1街邊檔羊腩煲,好好味..........到開始凍時,就會收爐。所以見到後,我就好想食...............我知道友人們其實不多想食,因又唔喺凍,無嘜興趣食咁暖胃嘅羊腩煲..........佢哋見我好想試,就當喺陪吓我...........多謝晒

1) 鴿湯 (mop25)

-因純為滿足我想試吓嘅心態,還有1晚餐要食,所以只叫咗1碗大家試吓

-都幾真材實料,有鴿,有肉排,淮山
-味道有點微酒香,湯水上喝到有鴿味,味道喺自然,唔會特別夠味,所以幾住家風味

2) 羊腩煲 - 細 (mop60)

-期待嘅羊腩煲來了

-除咗羊腩外,仲有蔥段,枝竹,但就無通常食到嘅馬蹄

-我就揀咗舊肉食,肉有羊味,肉質喺有明顯彈性的,所以羊嘅質素喺不用置疑

-不過佢嘅皮就好"un",友人"趙"咗好耐都唔得,好似食緊擦子膠咁

-友人比較唔好彩,食到有1舊肉都喺好"un"........皮我就無試過

-無論屋企或香港嘅食肆,個汁都會比較濃,惹味同"杰"身d,但呢個喺薄身嘅做法........定喺我太早去,所以煲嘢仲未煲得夠時間?.........第1次嚐這個style,還是喜歡平時港式的了

後記

- 好矮的枱.........好有特式,尤其坐喺街邊食...............枱矮喺因為預埋放咗炭爐上來時,你都唔洗企起身食

- 初時諗住食到嘅機不多(1來唔知佢收咗爐未,2來好似開好夜的),所以無認真帶埋個地址嚟。喺女媧廟轉落嚟之後,見到個空地有檔專賣羊腩煲嘅檔口,就自然對號入坐..........回到香港睇番個地址,好似有點不同,而且食友話要>9pm先開........但呢檔大約6pm已著燈營業.........食友是否講的是這檔呢,有點懷疑..........所以回來後,同食友verify過,就是這家........當我講出我嘅疑問後.........佢嘅結論喺可能我哋太早去食,煲嘢仲未夠時間的............hahaha,友人們看到後,我諗我好快會比佢哋打死~~~~hahaha

9) 葡韻美食店

地址 : 氹仔告利雅施利華街57-59號
消費 : mop172/head (ie total mop860)

營業時間 : 6.30pm-10.30pm, mon休息

website : www.atascadoluis.com
整體評價 : impressed 

apr 23, 10,因book唔到本來嘅心水餐廳(葡菜),又喺巿區hea耐咗。所以去咗友人嘅推介食肆,同樣都喺食葡菜,5人叫咗 :

1) 麵包籃 (mop5)

-暖熱,皮脆內鬆.........蘸埋牛油食,真喺"捧"呀~~~

-去澳門,真喺好少食到唔好食嘅麵包,連個包都做得好有heart比客人..........呢點香港嘅食肆就要好好學習

2) 青菜薯蓉湯 x 2 (@mop25)

-質地小"杰"身,飲咗少少,好有薯沙,因有火腿嘅鹹味,所以味道不會淡,但又唔叫鹹
-多飲肯定好飽肚

3) 檸檬汁煮蜆

-友人推介必食的
-平時食蜆,1喺白酒,1喺清酒,所以檸檬汁做法比較少見
-我都喺n年前在澳門食過1次,但印象麻麻
-呢個個汁帶自然果酸,再有喜歡嘅芫茜香氣,所以已美味了1/2
-再食個蜆,大隻,肉無縮到豆豉咁,肉嫩,鮮度也不差,大家都無食到有沙,份量都不少
-見到枱上嘅殼,不好意思,我食咗好多呢,hehe

4) sangria

-叫咗1jar
-果味重過酒味,但也是不錯的

5) 燒豬

-佢香港要食有質素嘅燒乳豬,我只喺試過1-2次啫.........因為真喺唔易做得好
-有熱度,我第1件揀嚟食嘅好脆皮,皮亦薄.........做到呢個效果,真喺要拍手
-皮底下雖然喺厚脂肪,但咬落1d都唔油,反而好似軟軟嘅骨膠原咁
-每件大大舊,又多肉
-第2件嘅皮就無唔脆喇,佢喺軟身,帶點煙韌感
-總之好有驚喜
-個薯條炸得幾脆,不過我就嫌佢比較原味,因無嘜+鹽花.........最後被薯條怪友人掃晒

6) 忌廉馬介休 (mop95)

-可以見到兜邊嘅熱波波...........不停嘅蒲吓蒲吓咁
-除咗忌廉外,裡面有好序薯仔片,馬介休絲
-好味,不過好膩同飽肚嘅1道菜

7) 燒豬手

-店主上枱時,幫我哋除骨,因為個骨好燙手,所以佢每次同人除骨後,都要抖吓隻手
-另有焗+薯仔嘅做法
-據說燒嘅做法佢要將隻豬手煲熟佢先至燒
-友人食到皮脆
-食落呢味同燒豬有點類近,只喺呢個無咁多皮下脂肪
-店主後生都好靚仔吓架,友人笑說似葡版趙文卓

8) 焗葡蔬

-好大兜,見個個葡汁,就真喺有點無能為力
-有5款蔬菜 : 椰菜花,西蘭花,椰菜,紅蘿蔔同幾條菜心
-其實ok的,只喺今餐太多肉,所以清唔晒

9) 葡國汽水 (熱情果味+菠蘿味 )

-喺入口果汁
-大家都覺得熱情果味嘅酸甜味突出過菠蘿味

10) 汽水 x 1罐

11) 麵包布甸 (送)
-之前我喺佢嘅bar枱上見到呢個甜品,已經眼望望,店主話呢個甜品唔多地方食到
-估不到食到飽飽之餘,店方仲送埋甜品比我哋食
-麵包+上蛋漿整
-軟腍,唔太甜
-我覺得有點似兒時媽咪整嘅麵粉pancake嘅質感同味道,不過形狀不同而已
-我最後食咗件1/2呢,1來好味啦,2來喺送來的甜品,以清碟表謝意

後記

- 好不錯的葡菜............真的要介紹比朋友 

10) 成記粥品

地址 : 新馬路營地大街吳家圍 (即大馬路附近嘅順德公旁的巷仔/ 保記牛腩對面)

電話 : 6660 1295
消費 : mop14/head
營業時間 : 早巿
整體評價 : fair與good之間 

因為瞓唔到,不如獨個兒出嚟食早餐,apr 24, 10,喺街坊嘅指引下,終於比我搵到,叫咗 :

1) 及第粥 (mop14)

-都唔細碗
-裡面有豬肉丸啦,粉腸啦同豬潤啦

-粥底綿滑,同有少少米花的,味道自然,唔多人工,都唔錯

-覺得粉腸最好,感覺新鮮

-而肉丸就個人喜好想滾耐d,令到裡面個心都不會帶嫩粉紅色,佢又唔喺唔熟,不過未夠透。個人還是喜歡3x多d

-豬潤我就忘記了即刻食,試吓第1時間嘅效果同質地,所以喺碗熱粥內逗留了>5分鐘先食,難免唔多爽口,不過就未至老到"鞋"咗/好實

-唔多好粥嘅我,都可以食晒1碗

後記

- 雖然位置喺後巷,但地下同牆都好企理下,唔會好污穢
- 亞成哥口多多/風趣,好鍾意同埋單嘅客人吹水.........佢知道1個食客喺香港人
成哥 : "你香港住邊架?"

食客 : "新界"

成哥又追問 : "喺上水/大埔 (我唔記得咗)?"

食客 : "天水圍"

成哥 : "咁即喺飽起靜嗰頭"

食客 (catch唔到成哥想講咩) : "咁我唔知飽起靜住邊度喎"

成哥 : "佢齣戲攞咗奬呀嘛~~~"

haha你真喺估佢唔到佢會攪吓gag

我搵咗佢老婆埋單,所以無同佢吹水...........之後我先影番佢嘅舖頭相...........佢就好cute咁做個v手勢比我影,可惜我捕捉唔到時間

- 因見到對面喺保記.........佢嘅早巿就賣腸粉,見有人排隊.........都好想食.........不過剛吃完碗粥,要比d時間自己消化吓...........所以就去咗議事亭附近行吓..........難得可以影到無嘜人喺度嘅議事亭前地