2007年11月29日 星期四

the kingdom - 暴劫現場



上星期日(nov 25, 07)來看這片

故事先交待1933年,美國點同沙特開始在石油生意上的合作,之後就來真正的開始 - 偽裝當地警察嘅恐怖份子向在美僑區(美資石油公司宿舍)的人群亂槍掃射,再隔1陣,另1個同黨扮幫助人群脫險,引d人埋去,就嚟個自殺式引爆手榴彈..........幾個小時後,救援人員+美國fbi人員在現場清理緊,就再嚟多個汽車爆炸,今次個傷亡最厲害..........就連fbi特工ronald fleury (jamie foxx飾,即dreamgirls男主角)個朋友都死埋

雖然美國官方決定唔派人去當地展開調查,但fleury用佢自己嘅辦法,帶多3個人-法醫,爆炸專家等(jennifer garner, chris cooper, jason bateman飾)出發去現場。沙特政府10分關注美國人員嘅安全,於是派了加茲上校去帶住佢地

初時4個特工都好似比人軟禁咁,所有活動範圍同行程都要受到加茲嘅批准同安排,令到所有特工都好無癮。但經過fleury為加茲出過頭同喺皇子面前高度讚揚佢,加茲就進升為呢個恐怖襲擊調查個in charge,2人亦因為咁而惺惺相惜,特工先可以step in去展開真正嘅調查

與此同時,佢地全部人都成為咗恐怖份子嘅對付目標。在1次突襲下,其中1名特工比人捉咗,於是各人好努力咁營救,在千鈞一髮之際,隊員終於成功救到佢。正在收隊途中,誤撞入恐怖份子首領個單位,雖然可以將佢殺咗,但就賠上了加茲條命



後記

初時擔心套片會講好多美沙之間政治性的衝突,因咁樣會好複雜,我就會睇唔明,幸好拉連的政治團體/派別唔算多,而且之後戲情主要喺講沙特+美特工對付恐怖份子,比較簡單

故事要去攜手合作,先至擦出火花,當各人合力拯救同伴時,氣氛就好緊湊-1伙人受恐怖份子圍剿,同伴屢次頻臨被割頸的危機,最後女特工及時趕至,埋身肉博,張力好強。尾段女特工發現主腦時,加茲被殺,同個細路用槍對峙等都將觀眾推到緊張到有點窒息

fleury痛失2位戰友,2人都喺為世界和平出力嘅精英,但最後都犧牲咗,遺下老婆同幼子,都令人好惋惜。其實本片都好明確講恐怖份子好難對付,從片初時的攻擊策劃,步署,火力,都好周詳和專業

最後嗰幾幕,令人深深體會到,就算除掉個主腦,但佢跟本有千萬個人頂上呢個位,美軍面對的唔喺1,2個頭目而喺成個擁有亞拉信仰/信念嘅民族,佢地從少就受到激進領袖嘅洗腦,於是軸心國同恐怖份子就水火不容,你有你道理,佢有佢真理,暫時睇唔到共同緩衝的balance點,就算有時關係有些少改善,但很容易被其他事吹破

呢個鬥爭唔知幾時先可結束

3 則留言:

  1. 其實由始至終都係美國佬想穏定石油供應量及控制油價,千方百計搞到中東各國四分五裂,互相仇視。幾時結束? 當中東啲石油用完囉。介紹妳睇套有關电影 Syriana 。

    回覆刪除
  2. syriana比呢套深好多 佢講既真係要留意現今時事,如果稍一不慎,真係跟唔到劇情

    回覆刪除
  3. 係呀呢套嘢幾蝦人睇架。套嘢咁惡搞要我寫報告我情願陪妳睇做解場好過喇!

    回覆刪除