lions for lambs - 命運迷牆

見到3大巨頭合作,又喺褔伯執導,所以昨日(nov 17, 07)嚟睇早場

1開始講國會議員jasper(tom cruise飾)接受資深電視台女記者janine(meryl streep 飾)嘅訪問,好慷慨咁比足1個鐘頭佢,仲獨家爆料比佢知軍方對美伊戰的新部署,連女記者都好受寵若驚,幸好薑越老越辣,女記者看到議員別有用心

與此同時,大學教授(robert redford 飾),原來以前都有上過戰場,正努力把有talent學生todd從淡出學業拉回積極的校園學習,對國家/社會作出貢獻

再而帶出教授曾教過的2個學生 - earnest & arian,未讀完書就跑去做自願兵-上前綫打恐怖份子,但因為情報失誤,被敵方攻擊,2兄弟就困喺山頭,等候救援,又要面對圍住佢地嘅恐怖份子,最後都要死喺恐怖份子手上



後記

覺得有d似巴別塔,將3個獨特個體用方法連上來,但個距離就無巴別塔拉到咁遠。套戲比我想像中少場景同規模 - 花好多時間喺tom cruise個office,robert redford個office同1個山頭.........成日就喺talk,talk n talk,於是單調咗d

但3個角色塑造好鮮明 - tom cruise代表到好有手段的政客,因為大局,於是要死頂落去,重新包裝過d戰略,其實只不過是舊酒新瓶,希望通過傳媒的報導,可以得到市民嘅支持

而meryl streep就去演1個好有智慧的的資深女記者(亦因為咁,tom cruise先揀中佢去獨家報導,貪佢夠江湖地位),我就最鍾意睇佢呢part

佢從tom cruise的對答就知道個所謂新策略跟本無實際的人力同軍事設備嘅投放,洞悉tom cruise只是想借佢做鸚鵡,而佢就不甘,老馬有火,同佢老細對峙嗰幕,表現到有良知,唔想任人擺佈,誤導市民,可惜老細提醒佢按自己個睇法寫出嚟,好有機會令佢飯碗不保,咁就應付唔到母親的生活大開支,要操守/原則定食飯,好1個人生交叉點..........好矛盾..........但meryl streep真喺交到戲,好似是全齣戲最精彩。到最後佢坐住的士駛過軍人墳場(無名嗰隻).........更加令meryl streep膠著。呢幕作為套戲個結尾,收得幾好,終於搵到d深入挖心位

robert redford就佢1個有抱負,有heart嘅professor,佢希望可以啟發學生有analytical mind/ critical thinking,並積極回饋社會,但困住個學生呢part篇幅太長,但都喺得1個訊息,悶咗少少,節奏亦慢咗d

其實描繪2個學生在山頭個戲份好短,只不過是斬開好幾段,隔好1段才"seed"1個落去,有d似卡通足球小將咁,半場都要打幾日