The Burger Joint@上環 - 醬料多蘿蘿 (closed)

closed

The Burger Joint

地址 : 上環禧利街27號地下
電話 : 8200 2747
消費 : $60/ head (ie total $120)
整體評價 : good

(張相copy自openrice)
nov 20, 07晚上 2人來, 叫咗 :

1) 牛魔皇
-友人叫咗呢個(右手面)
-有塊免治牛肉啦,仲有菠菜(另可揀生菜),煙肉條,洋蔥,建議配garlic mayo醬
-叫友人講吓個感覺,佢話牛肉未夠juicy(不過要juicy是有d難,除非塊牛要夠脂肪先得),個煙肉好脆,但就少咗醃青瓜。佢個包有塊大片菠菜,好綠,配咗茄汁,lemon mustard.......
-伴以薯條,好好味,比m記好因外炸到脆身,內裡好軟,好似起沙嘅薯蓉咁,good
-包1杯飲品 : 叫咗汽水

2) the 'shroom
-我周旋於磨菇定夏威夷好呢?????最後都選咗磨菇,因未見過其他食家寫過,都喺穩陣d好
-有磨菇碎,菠菜(另可揀生菜),無特別建議用咩醬
-塊牛肉都唔"鞋",但唔講得上嫩,亦唔夠厚身(同shake'em xxxx比),不過食緊時,仲見到有少少肉汁滴出嚟,我最後配咗茄汁(1路食1路加)同honey mustard,個包嗰part就幾好,外有小脆,軟熟
-包個size剛好,我1個人都可以照顧到1整個
-伴以薯條 : 意見如上
-包1杯飲品 : 叫咗汽水

後記
1) 多種醬料比你揀就喺此店1大特色,我地試咗honey mustard, lemon mustard同balsamic vinegar,整體上佢地都好企理,乾乾淨淨,而且質地好滑,但就1d都唔攻鼻。我還是最鍾意加茄汁........因我是1個番茄怪.......1致認為個包可以做得好d

2) 因為現在漢堡包大行其道........越開越多,試過mxx burger,shake'em xxxx,triple x,個人還是喜歡shake'em xxxx多d,因佢個士多啤梨奶昔好好味 (不過d包就太大),但這間都值得1試,因佢個醬個心思比嗰幾間強同有誠意

3)另1個特色我都估唔到就喺張leaflet/menu竟然註明邊款包配咩醬........讚,例如魚包就建議跟balsamic vinegar,當然最後你想點加都喺你話事啦~~~~~~

4)唔食牛嘅話,都照顧到,有魚啦,雞啦同大菇包揀,都幾全面

5) 環境簡潔,地方唔大,1張大長枱+bar凳,因來到都已經>7.30pm,又喺閒日,所以無嘜人

6) 食飽後友人教咗我1個4字詞 - "吾道不孤".......初時誤會咗.......仲以為佢做咩要同我講"北菇"添,以後都唔洗講話咩他鄉遇故知/1個人在他鄉喇~~~~~~~~~~~~~


點樣去???
1) 今次講用個尾(皇后大道中)入,因我在中環行過去,從h&m開始,向上環方向行

2)經過咗上環好出名嘅地下公厠........繼續向前行........陳意齋........

3)行到去荷里活華庭........望向對面........就會見到條短樓梯.......行落去

4) 行幾步就到

5) 另可選擇用個頭入........坐mtr去到上環站.......但唔好揀禧利街(b出口),而喺永樂街出口(好似喺c出口).........1出對面就有間7 eleven定circle k的便利店........穿過佢地向入行,見到尖端位有間水果店的分岔路口..........唔好揀左手邊(好似喺孖沙街).......揀中間.......就應該喺禧利街..........直入........見到加東叻沙...........蛇店........理髮店........就差唔多喇