上星期日 (nov 18, 07),明珠台做呢齣戲,好似套戲有攞過奬,所以坐定定睇
故事講孫納(周迅飾)出身貧苦,為了生存和成功,她不擇手段,終於成為人人艷羨的大明星,成名後的她努力忘記過去,拒絕出回憶錄,因佢要否定以前歲月的全部痕跡。
然而命運弄人,十年後,她生命中兩個重要的男人卻同時出現了,十年前相愛的戀人,由當年不得志的導演系學生,轉為如今無人不知曉的大明星林見東(金城武飾); 另一個則是大名鼎鼎的金牌導演,同為自己的男友聶文(張學友飾)。更戲劇的是,三人要同演一齣戲,劇情和命運卻驚人相似。
戲內戲外,已難分真假；在孫納的心中,又心繫何人呢? 其實1個對佢有情,1個對佢有義..........2個都在佢個心有份咁上下份量,2個都真喺愛佢,而2個男人都好清楚孫納無辦法放開是但1個,於是結局是2個男人都離開了孫納
後記
全套戲嘅音樂同舞台感都好強,載歌載舞,尤其+埋張學友,更加似"雪狼湖"feel,佢嘅歌藝比起金城武同孫納真喺高好多班,有感染力得多
好1個人生如戲,戲如人生的故事,常常透過個戲個情節/扮講緊故事來交待3人的舊事。初時我仲好認真咁分邊幕喺演緊戲,邊幕喺做緊以前嘅事, 原來2者喺共通ge。周迅奮發向上的人生路,放棄了好重要嘅嘢(初戀情人),亦做咗好多唔光彩嘅事,可能喺好多大明星的寫照,不過這些都是副線,主線還是圍繞3人的感情"瓜"葛
1個喺初戀情人-金城武,好多相識於微時嘅回憶,載滿無限激情同執著; 1個喺提拔佢上位的導演男朋友-張學友,喺佢個伯樂,為人成熟,雖然無金城武嗰份痴,但就喺細水長流feel,愛得高尚。2個都愛周迅好深,只是表達手法唔同,但個對比就好強烈。
好似在爭辯愛1人究竟喺要擁有定喺放手。好欣賞套戲好細膩咁交待金城武嗰份執著同痴,因為周迅走後,1直面對唔到呢個事實,之後好抗拒入睡,無靈魂咁夜"mount mount"走去酒店泳池,浸落水度懷念周迅,每年都走去以前2人在北京嘅舊居,希望周迅會出現,就咁樣10年過咗去,但情感上,仍舊踏步,沒有前進過..........自己鎖住自己,出唔到嚟,好痛苦
反之,張學友就對愛情成熟好多,雖然難過,傷心同唔捨得,但都主動暗示周迅可以放手,離開佢,但周迅又無咁瀟灑,於是就變成愛情三文治,夾在中間,進唔敢,退又死,無從取捨。最後2個男人幫佢揀咗......比空間佢,咁証明2個男人都學會了放手
本片末段,池珍熙交本回憶錄比周迅,她開心到喊咗出嚟,否定咗佢之前嘅口是心非,之後池轉述張學友想拍1齣電影比佢知,正正是2人點樣相遇的故事,從周迅糾正青島為青海時,嗰段對白演出佢好懷念2人初相識嘅時光,以此作結,傷感中帶點喜,也是不錯
嘩...你睇得好仔細喎...
回覆刪除我就當年睇睇吓