2007年11月13日 星期二

我愛soho

對soho有種解唔開嘅情意結...............累積到宜家已經roll到好大吓........除非有1日,佢再比唔到嗰種感覺我啦.......我就會離開佢

第1次(都唔記得幾耐喇)去soho喺因為舊同事請我去佢屋企食lunch.........佢屋企咪就喺士丹頓街囉。伯母好客氣.........1炒銀針粉呀.......炒意粉呀......實請我去。所以久唔久..........就會去1次soho(痴餐)。舊同事都有帶我去食d老舖, eg公利啦(蔗汁)同玉葉啦(紅豆沙,綠豆沙,芝麻糊,糖不甩)............

所以對soho已經有好warm嘅印象(因有住家飯食).........我舊同事又知道我鍾意食.....同試新嘢.........於是佢就喺我soho的情報站........+上我喺飲食xx的die hard fans (會剪低有興趣嗰d儲埋,得閒又leg出嚟lun過.......考試我都無咁勤力)........梗有介紹呢個新興嘅飲食市場啦~~~~

有時跟住d"煽"稿當去outward bound咁,搵吓間嘢喺邊,都幾有趣吓架,..........有時得閒直頭漫蕩上面soho區添

基本上soho跟本喺1個舊區,d住宅都好有歷史吓,有d仲成"等"好矮,而且無嘜車上,唔喺住嗰度,都唔會有外人上去........舊同事講笑話,未hit嗰陣真喺有的士唔識去架........要教佢路

當soho開始漸露頭角(先受d鬼歡迎),新食肆只喺進佔士丹頓街(stauton street)同伊利近街(elgin street)呢2條主街........(可能都有開喺其他位置,只不過喺我唔知啫)


成個soho裡面仲夾雜住d舊瓷舖,師姑庵,文武廟,成條街古董舖,印刷工場,金銀衣紙舖,古老米舖.............感覺好得意..........好有文化遺產feel..........又有濃烈嘅藝術氣息.........中西合璧(人同舖頭都喺).........舊中有新

而且佢比較自成1角,上到去,好寧靜,行人唔多,感覺好relax.........好舒服..........有時坐在間cafe度,凝望住窗外d車/行人經過.........慢慢地,對眼開始對唔到焦.......個腦1片空白...........呢個喺我1個好獨特嘅減壓方法


最鍾意佢西餐廳又好多,入到去,都無嘜中國人侍應,好似唔喺置身香港咁。特別喺d餐廳成日比到新鮮感我...........隨住soho的興旺,d餐廳不停向外擴展..........奧卑利街(old bailey's street)......卑利街(peel street)頂..........俊榮里(tsun wing lane)......閣麟街(cochrane street).....擺花街(lyndhurst terrace).....歌賦街(gough street)........鴨巴甸街(aberdeen street).........嘉咸街(graham street)........雲咸街(wyndham street)..........太子台(prince's terrace).........亞畢諾道(arbuthnot road)........些利街(shelly street).......蘇杭街(jervois street),地舖都唔夠........仲發展埋樓上舖(t e quick pasta, d corner, bonheur, fusion 5th floor.........)

而且soho的餐廳有個大特色 - 開得快,摺得亦快.........開完又摺........摺完又開。有d.......未幫襯,就先執笠, 例如 : blowfish, refectory, india today,有在奧卑利街間食德國腸 (現址為flying pan),在伊利近街的俄國菜,碗屋,world health cafe,紅雙喜......

但有d好好味,最後亦難逃厄運.......最覺得可惜嘅喺在奧卑利街間la vie en rose(甜品店),睇到"煽"稿寫得好誇張..............話佢d mousse cake食完好似無食過嘢落肚咁.......心諗咩作到咁大呀..........咁咪去見識見識.........點知真喺食完好似陣風咁,但d味道喺好濃架喎,尤其朱古力味,明顯落足料.........之後當然有試過其他cake啦,亦訂過whole cake添.......現在霎是遺憾

另外有3間亦做得不錯 - 伊利近街的grandfully gourmet(法國菜)同士丹頓街的le rendez-vous(食法式薄餅,最喜歡佢個suzette, very tasty,man.........), 必列者士街嘅第1間xtc(有sofa坐架)...........可惜

當然有年生日見識過1間我揀嘅餐廳elite..........好在已經執咗喇,真喺天下人之福囉........佢經典嘅白鴿清湯.........陣味好怪,好怪........飲咗2羮.......真喺飲唔落.....要退貨(第1次reject嘢).........攪到宜家每年生日時份......我仲比人笑/串緊.........你都唔好話唔信邪呀........生日"流流",食餐咁難食嘅........記得之後嗰年好黑仔.........無運行。

其實soho區嘅食肆對我嚟講就好似打機咁,食過1間,就好似除咗1隻怪獸咁,但可惜d怪獸打死咗,但仲有千千萬萬個嚟緊.........攪到我打咗好多年都唔爆機.......但d餐廳有d改變..........就喺比以前多咗中國人侍應........溝通上方便咗

而soho區嘅環境(唔計入夜d餐廳區)就好安靜,人流少,比到我身處異地咁嘅feel,見鬼嘅機會都唔少(越上越多鬼),有時仲會拖住小狗/大狗,


總之soho有我好多愉快嘅時光............亦有小小污點的回憶...........累積咗好厚的經歷.....感覺咩都有d..........不過幸好快樂多於1齊

5 則留言:

  1. 好一個完整既 overview,連摺埋左既餐廳都有介紹,讚! 等你既個別餐廳既 review! 重有請問第三張相係邊到? Btw,soho 之後,早排又開始開發 noho (歌賦街),不過 scale 細好多,variety 都少好多。

    回覆刪除
  2. 睇完好似跟住你行o左一遍o甘!詳盡到只欠未數地上 d 腳毛有幾條!

    回覆刪除
  3. 太子台? 果然真係深度之旅! 好吸引,有機會一定會去! 近排比較忙,又想修身,所以都好少響 soho 現身,頂多都係響 Portobello 飲下野,食下 cake。 不過 Friday 間唔中都會上去食 lunch。

    回覆刪除
  4. 多謝訂閱! 當然冇意見啦,不過覺得會令你失望! 因為其實我個 blog 冇乜野睇,文筆又冇你地咁好,打字又慢… 好佩服你寫野咁o力,祝你個 blog 越黎越 popular,餐餐有食神!

    回覆刪除
  5. 誤會!我除左中文差,英文都一樣咁差! 絕對唔可以用英文寫野! 我現在只係用緊九方輸入,比較慢。

    回覆刪除