今天早上(nov 10, 07)來欣賞
故事講19世紀1個法國小鎮,1個有vision的生意人re-activate間絲綢廠,成功地提供就業機會,帶起全鎮嘅經濟
但後來歐洲的蠶蟲都受到病毒感染,土耳其也受到波及,於是商人找來哈夫 (michael pitt飾)去埃及找perfect的蠶蛋,但回來孵化後也是有病的蠶蟲
於是哈夫被派去遠征日本找健康的蠶蛋,迫住與新婚妻子海倫(keira knightley飾,即魔盜王的女主角)暫別。第1次去到人生路不熟嘅地方,又神秘(去村莊嗰段路要矇眼),又雞同鴨講,幸好日本富商(役所廣師飾)懂英文,仲可以溝通到。嗰次哈夫第1次見到富商個女人,但就已經比佢個眼神吸引住。任務完成回國,批蛋証實好貨,帶挈哈夫搵到1筆,買到大屋同1塊地與老婆終老
批蛋總有用完嘅1日,哈夫於是需要第2次去日本,雖然日本內政不穩,但哈夫還是可以成功拿着健康的蠶蛋返國。今次富商個女人偷偷地交咗張字條比哈夫 –“回來,否則我會死”(哈夫要去到里昂才找到個高級日藉妓女(中谷美紀飾)翻譯到) 雖然個妓女有勸哈夫忘記呢個女人,但佢仍是念念不忘。老婆好似都feel到老公唔同咗,顯得唔多開心。
哈夫最後堅持冒險去日本搵蠶蛋(其實商人有提出去中國呢個新貨源),不過個內亂已毁咗舊貨源, 富商帶同家眷同親信1齊逃難,哈夫只有遠遠望住富商個女人頂橋離開。哈夫唯有去遠1d搵貨,但回國前d蛋已孵咗同死埋,哈夫也開始變得沉默
間絲綢廠因為無蠶蛋,所以被迫停產,為了解決全鎮嘅經濟危機,哈夫唯有請起全村人去佢屋企起花園,順便可以完咗老婆想有滿園白合花嘅心願,無幾耐,哈夫收到1封由領袖個女人寄比佢嘅信(都喺去里昂搵嗰個翻譯),內容大致話1齊已完結,唔會再有機會再見
老婆沒多久因為健康問題而離開咗佢,享年34嵗,後來哈夫先知老婆唔知咩時候已知道咗佢心中有個日本女人,封信是佢寫但就叫里昂個妓女譯成日文。另外老婆生前亦交託咗個由細睇到佢大個男仔將來幫哈夫打理個花園
後記
齣戲用上了倒敍法,全片嘅故事無嘜高潮位,充其量都喺末段哈夫發現到老婆生前對佢嘅心思,最後哈夫1個人坐在個花園度懷緬佢老婆作結,比人好大感慨
人好似好應該不停咁向前行,好似個商人因為已經achieve到已set嘅target, 將盤絲綢生意交咗比人,就離開個鎮,唔打算再返嚟。另外富商亦因為內戰,要遷去第度。個妓女亦唔會1世留喺里昂做妓女,轉咗去巴黎住豪宅,脫離以前嘅生活。但男主角就背道而馳, 眷戀住無明/唔理智嘅心結 - 富商個女人,其實佢地跟本無嘜單獨接觸過,更遑論發生過咩激情嘅事/經歷過d嘜添啦,又唔知1直在佢身邊嗰個,已經喺最好,直至追唔番嗰時才體會到
所以我都要積極d向前行,當喺回饋關心我嘅人嗰份心意,事關生命無take 2
沒有留言:
張貼留言