泰皇朝@元朗 - 有掂有唔掂 (closed)

closed

泰皇朝

地址 : 元朗鳳翔路2-6號交通廣場地下12-26號舖
電話 : 2628 6820
消費 : $100/ head (ie total $800)
整體評價 : fair

昨日lunch, 因元朗之友講到呢間好吸引,1行8人來,叫咗 :

1) 海南雞飯餐
-呢個唔多掂,可以不試..........因個雞又唔嫩滑,更加唔洗講.......無雞味
-同區間元朗xx小廚/ 大坑x泰比佢高好多班
-配餐湯 (唔喺海南雞相內嗰碗,喺下1幅)...........唔太清楚喺咩,但是正常出品
-有餐飲 : 叫咗珍多冰

2) 咖喱魚柳餐
-sorry,張相影極都矇.....算把喇........唔好左住其他人食
-個魚調得夠味,個咖喱可以但唔多夠香

3) 冬蔭功湯
-個樣在上面海南雞嗰張
-試了1"羮",只得1個酸味,唔辣,連我都feel唔到........好辣嘅朋友1定失望
-肯定無冬蔭功的風韻

4) 大拼盤

5) 泰皇蜆
-個賣相就好精緻喇,每個蓋下喺好多隻細蜆成為1個portion
-味道正常,但未見突出
-配以麵包多士

6) 泰式燒豬仔
-隻豬仔真好軟,好滑,但就肥咗小小,個皮就無友人上次嚟食咁脆..........合格ge
-底墊炸米粉
-伴青芒沙律 : 夠酸,好開胃

7) 咖喱炒肉蟹
-咖喱就唔夠香.隻蟹都算交都功課

8) 香茅雞煲
-呢個好惹味, 個肉亦滑

9) 自助甜品
-原來每人平均食夠$35,就可免費享用外邊個小型甜品buffet table,好抵,都好多款架..........都ok,張相只喺代表到小山1角咋 (因相機無電)
-比較好d喺用葉包住嗰d糕點同個黑糯米糖水........不過呢個我已經食唔落,據聞好香
-個友人之前食咗個糯米糍嘅甜品,講到好鬼正,話個餡d糖好似拔絲xx嗰種咁..........聽落鮮有食過呢種做法...........問個waitress...........原來要weekend先出...................攪到我極度失望...........sorry喺極度失落先arm

10) 飲品
-除咗餐飲之外,再叫咗青檸冰同凍雪梨蜜
-有個飲品優惠,凡喺叫咗唔知幾多錢嘅飲品,就送1杯$19留下嘅飲品

後記
1)d嘢食普通啦,唔會話難食,但就唔見得有咩好食,比較好d喺個香茅雞..........而傳聞中好掂個甜品又試唔到~~~~~ 個甜品buffet優惠就真喺好抵食,又水準唔太差.......肯定食得飽你

2)食到中段有單笑話,有興趣ge............請移玉步去我嘅............笑語連珠

3)今次本來叫咗某個友人請我 (當然有d原因啦)...........但最後變成5個請8個.........點都好...........多謝晒

點樣去???
1)如果港島人士,可以坐968 (又新街站落) or 坐mtr (東涌線)再駁kcr西鐵 (元朗站),繼而轉輕鐵 (大棠站落)

2)元朗到屯門人士,可坐輕鐵啦...........

3)其實仲有好多巴士,大致上入天水圍區又經1經元朗嘅都應該在又新街有站