綁起佢vs焗暈佢

昨天友人講佢個女(3嵗),最近唔知點攪到食蓮霧,食到上個鼻度...........喺急証室度,發生1宗趣事



友人 : "個女專科醫生 話我個女不停令來令去,又喊又叫,所以佢攞唔到舊嘢出嚟.............佢要綁起我個女........問我有無問題?"

我 : "我諗住個醫生問你好唔好焗暈**你個女添"

友人 : "唔喺.........我緊喺唔理個女嗌晒救命啦...........同醫生講ok"

友人繼續 : "原來佢唔喺拎條繩出嚟綁架喎"

我 : "咁用咩呀?"

友人 : "而喺用1條長毛巾,連雙手同個身,1齊綁架"

友人 : "點知個女醫生咁arm哄到最埋我個女嘅時候.........亞女向個醫生............pooh 1聲.............吐口水.......攪到人地成副眼鏡同成面都喺"

我 : "吓........佢用生化武器呀?................個醫生點呀,有無用膠紙痴住你個女個口呀?"

友人 : "無.............佢咪要除副眼鏡落嚟抺囉..........仲笑笑口講 : "你個靚妹玩口水吓嘛"........"



其實點解我會有焗暈佢個諗法喺因為我細個嗰陣嘅經歷

話說我好細個嗰陣(應該未到小學),我跟亞哥同細佬用1張摺凳+1張矮凳擺在1頭1尾....之後將枝掃把放上去,於是自然1邊高,1邊低...........第1次試跳(應該喺矮嗰面)..........得咗..............第2次試跳.............仆1聲"hum"落個地度..........好大聲,當時我都唔知自己穿咗個頭........直至亞媽番嚟(唔喺好耐),見到地下有血,先搵到我出嚟..........

我當時都無即時喊,亞媽反而仲驚..........於是咪大喊囉..........媽咪即刻抱我去醫院.........醫生們想同我"聯"針,但礙於我繼續喺度喊......."速吓,速吓咁".......(其實佢地應該有同我局部麻醉,但我已經進入到唔痛都喊嘅階段).........佢跟本同唔到我"聯"針(傷口喺條眉度)...........於是..........唯有搵嘢焗暈我囉............咁先至得咗........

人人聽到我呢個真人真事,都笑都合唔埋個口........同搵吓我個傷口喺邊