eastern promises - 黑幕謎情

見到blog友maximus,未正式上畫已作介紹,所以勾起我嘅興趣,看埋佢個review,前晚(nov 20, 07)與友人來看,做足心理準備

故事講助產士安娜(naomi watts飾,即king hong同painted veil的女主角)為一名14歲的俄國少女接生後，少女便難產死亡；其實難產而死的少女正正是黑幫的雛妓。安娜憑著少女袋內本日記,希望能尋獲小孩的親人(如果無人認領,就要被送到孤兒院), 見到內面有間餐廳咭片,就跟住去搵老闆問吓佢識唔識個女仔,點知呢個老闆semyon正是1個俄國黑幫的龍頭,而本日記亦記載咗個女仔被迫為娼所吃下的苦頭,佢個bb女就喺semyon的衰11證據。

semyon自然要攞番本日記同除去bb女,仲要殺埋安娜個uncle因佢有睇過本日記,揭發過程中安娜得到為俄國黑幫效命的尼高拉(viggo mortensen飾,即lord of the rings的aragorn)才可化險為夷,原來尼高拉就喺無間道..........臥底

另1邊廂,semyon亦要為個仔kirill(vincent cassel飾,即ocean thirteen中1個小角色)解困,表面升咗尼高拉做頭目級,賜佢星星紋身(咁佢先可以比人誤會喺kirill),其實設個局比佢做kirill的替死鬼

幸好尼高拉僥倖生還,最後應該仲坐埋semyon個位



後記

呢齣黑幫片唔喺好似兄弟咁,focus大講幫會爭地盤,而喺主要講點樣1個普通人會捲入殺身之禍,安娜事後發現黑幫操縱婦女賣淫,甚至乎未成年,令到佢10分氣憤。安娜嚴如1個保護兒童嘅使者,先落力搵出個bb女嘅其他親人,然後就要從壞人手上救番佢,最後仲領養埋佢添

其他感情線有尼高拉同kirill嘅曖昧,semyon同kirill兩父子,尾段安娜同尼高拉,但全部放得好輕

結尾影尼高拉着晒西裝,jel埋個頭,坐喺馬蹄形sofa飲烈酒,應該已升到好高級,令人聯想佢代替咗semyon,似是要鋪定下集講佢點樣剷起其他黑幫,成全其無間道工作

略嫌節奏慢咗d,而血腥場面亦無想像中咁多(第1幕割喉,bb出世,cut死人手指,中段再割喉同埋公眾浴場尼高拉全祼肉博)可以接受