2007年11月19日 星期一

beowulf - 魔戰王 : 貝奧武夫



上星期6(nov 17, 07),再睇埋佢,因為之前睇過個trailer,好似唔錯咁

故事發生在大約ad 500,惡魔格蘭杜在丹麥1個小國度橫行,逄親個殿有咩慶典,發出d聲浪,就會引起格蘭杜(佢覺得好煩躁)大開殺戒,終於貝奧武夫(ray winstone飾,即有份演breaking and entering慾望迷城)徒手+埋班手足,將格蘭杜打到手都甩埋,佢負傷回到巢穴先死。國皇(anthony hopkins飾)就賞賜咗隻金杯比貝奧武夫因幫咗佢除咗1個恥辱 - 格蘭杜正是國皇同妖魔生嘅仔

因為喪子之痛,妖魔(化為人樣由angelina jolie飾)誓要找貝奧武夫報復,先將佢班手下全部殺晒,唯獨剩下1名心腹幸免於難因佢無留喺個殿度慶祝。貝奧武夫去到妖魔個大本營,妖魔化身做1個好索嘅尤物(即angelina jolie),sex+埋權力同財富的條件,令到貝奧武夫都折服...........留低咗隻金杯比妖魔,自己就帶咗格蘭杜嘅首級番去比國皇交差,但貝奧武夫唔知到咁樣就埋下咗日後的孽............所以無預到日後要還

國皇在自殺之前聲明死後貝奧武夫將接管佢嘅1齊,包括皇后(robin wright penn飾,即breaking and entering慾望迷城的liv)。而貝奧武夫戰勝格蘭杜的事跡令佢威名遠播

好多年之後,隻金杯又落回貝奧武夫度,佢就知出事喇,後來有條飛龍妖來消咗條村,原來佢喺貝奧武夫同妖魔個仔,佢個目標喺將貝奧武夫身邊所愛逐1殺掉。貝奧武夫深知自己闖出嚟嘅禍就要自己親手解決,最後2人劇鬥到1齊戰死



後記

上網search原來beowulf是英國1個史詩式的偉人,真喺有呢個故事/野史嘅流傳,以前亦有人以此題材拍過電影。事後先知道呢套片用咗motion capture的特技效果,例如可以將ray winstone個樣用電腦推回young d做盛年嘅貝奧武夫,呢個可以解釋點解好多時d演員個樣假假地..........同埋貝奧武夫徒手殺格蘭杜嗰場,無喱頭話貝奧武夫喺脫晒嚟同佢肉博,但個體格真喺好fit,好fit,心諗有呢個劇情需要嗎?相信都應該用電腦執出嚟,所以好唔吝嗇咁比你睇個夠..................

d特技就好夠喇,但個故事性就覺得1般啫,因個主線(描繪貝奧武夫嘅英勇同點樣自作自受)以外,無嘜副線,雖然臨尾有講貝奧武夫好愛皇后,但當中全部無交待到(除咗有講過初時貝奧武夫點樣比皇后吸引住)。其實呢條線可以寫多d

另外要讚喺個尾,當海葬咗貝奧武夫嘅末段,angelina jolie(好大有情客串)又再出場去誘惑下1個新皇帝,延續下1代,嗰幕新皇帝望住好正嘅angelina jolie+埋手上金光閃閃嘅金杯,個迷失嘅眼神,好令觀眾自己編埋個結局答案 - 中計(又1個循環)定懸崖勒馬呢? up 2 u.......

不過本片都幾sell人性好易為物慾tradeoff自己,不過可能歷史跟本上就喺1個個嘅失敗循環



7 則留言:

  1. 其實成套戲都係CG動畫黎架。主角個頭係個呀伯,在《無間道風雲》入面個肥佬男星雷溫斯頓,key落個後生仔身度。而安祖的性感look都係假嘅,試問以佢今時今日身份,佢肯畢仔都唔比啦。我係IMAX睇3D版,效果不錯,但如果唔計特技同3D效果,其實係部爛片!

    回覆刪除
  2. btw,相對之下,戰狼300就真實好多喇,佢地全部真喺個個好fit呀.........而且個故事性亦豐富好多

    回覆刪除
  3. 咁妳有冇睇港版無間道呀? 兩套風格完全唔同。另外港版有個導演version,將三集跟番 time line 重剪,成個故事一氣呵成,我有晚反煲,成班角色嘅關係同情仇錯中復雜,分開睇幾難串埋一齊,睇呢個版本先感受到劉偉強嘅功力,正!! 個人鍾意港版多啲。

    回覆刪除
  4. 馬田士高西斯只是用第一集(其實是整個故事的中部)改的,不是全個故事。
    導演版是雙碟裝,相信大些少的影碟店會有,試試HMV吧。

    回覆刪除
  5. check this site
    http://www.dddhouse.com/v3/product_details.php?LanguageID=1&PHPSESSID=4d11e0d0f71c7ac8776f10f0247b

    回覆刪除
  6. 當卡通片睇囉

    回覆刪除
  7. 唯有如此啦........都睇咗咯.........又無得回水

    回覆刪除