上海+杭州/day 2 - jan 26, 08

day 2行程

早餐在酒店附近嘅裕豐(都好出名)外賣咗d生煎包同有餡芝麻餅............之後開始啟程去杭州

因為天氣凍又落住d唔雨唔霜嘅物體,好難截的士,要步行去地鐵站...............點知我哋去錯咗火車站...........

初時仲未知去錯火車站,在地面問人個入口時............佢哋好唔helpful,又或答得唔夠direct/唔清唔楚,好似只喺想快d打發你走開咁........唔好煩佢..........終於有個公安話到比我哋知喺另1個地方.........看過我哋嘅票之後.............已經肯定我哋趕唔切............但我哋仍然想試吓趕過去........上番地面,有個熱心嘅男子.......佢話可以車我哋去...........但要收rmb15/head,但其實佢都建議我哋坐地鐵............我哋轉身去坐地鐵囉...........佢就跟住我哋,見我哋想去嗰個入口唔啱,就即刻叫住我哋,跟住lead我哋,帶我哋去啱嘅入口............點知帶到我哋去到買票機時,就話要收帶路費..........2個友人負責兇走佢,我就同另1友人專注買飛,好在佢單拖,無1班同伴back up............我哋先可以兇走佢咋!!

但始終都miss咗班火車(第1次)因搭地鐵都有成11個站,"side"咗之前買定嘅飛............上海其實喺有2個火車站,1個北站同1個南站..........佢哋好唔近架............所以地鐵相應都有2個站,1個叫上海火車站,1個叫上海南站<-----我哋無為意喺火車南站咁解

去到南站,見到人頭湧湧,都擔心唔知next available去杭州嘅火車要幾多點..........好彩喺比原定遲咗2個小時

 

車廂內,見到有個肥妹,佢個肚腩都好勁吓,呢張相瞓底咗唔太覺眼.........但因為佢無時停,影極都鬆郁矇.........唯有瞓低先好小小

    

因為早上太奔波同狼狽.......上到車,大家都呼呼大睡喇

 

去到杭州,好不容易先截到的士............但我哋間酒店原來喺嚴重試業格(第1次),連酒店牌都未有.............另1個大堂仲裝修緊.............我哋住嗰層有d房仲裝修緊.............見到有2塊床褥放咗喺走廊度..........幸好間房喺正常,好新淨

~rmb400/房/晚

 

之後要快快搵嘢食,因仲未食lunch

餐廳 : 竹家庒避風塘

地點 : 唔記得咗

 

評語(good) : 我哋叫咗大約5個餸,有籠仔荷葉飯(好似褔建炒飯咁),牛蛙(好似田雞咁),干燒4季豆,乳鴿同干炒牛河..........呢間食肆喺香港人開,所以味道有水準

 

部份相片.........因為有20幅相片嘅上限,所以唔post咁多

 

去到西湖都幾晏吓因為遲咗到杭州...........又用多咗時間截的士

呢d喺真花嚟架

時常都見到砌咗唔同款嘅雪人

杭州同上海都見到呢類型嘅銅像

之後我哋去咗1茶1坐飲杯熱茶

見到d雪粒嗎

遇上musical fountain,睇完先去食晚飯

 

餐廳 : 新白鹿

地點 : 杭州龍游路

 

評語(impressed) : 喺茶館嘅4眼哥哥仔介紹我哋去............個東坡肉,鴨舌,濃湯木瓜爐魚,香蒿菜都好好味..........呢間食肆喺local先去,難得好味同唔貴

 

部份相片.........因有d食咗但無影到

 

晚飯過後.............我哋唔想截n年先搵到的士,於是食完喺行番去當做運動