wii sports gathering

feb 24, 08去咗友人屋企玩wii sports,晚餐由2個大廚(a+b)主理,5人共食咗 :

1) 白汁芝士焗通粉

-個芝士grill燶咗少少,但個味道不錯,sauce喺用金x嘅湯+d肉+蔬菜粒

-最重要喺個通粉無煮到腍咗

2) 泰式咖喱鴨

-用咗新鮮菠蘿,香葉,現成燒鴨,泰式茄子.............嚟煮

-友人1路煮,個香味已好迷人

-友人特別遷就,所以唔多辣

-我哋以白飯伴嚟食,好好味

-唯獨今次個菠蘿未熟透,所以唔夠甜同腍............如果呢part都掂埋,就full mark喇

3) 麻油雞翼 (冷盤)

-大廚b嘅出品

-好重麻油味,好香,証明醃得夠時間

4) 雞湯蒜香雞翼

-大廚b又1巨獻

-好夠蒜香味,又入味

-估唔到大廚b整雞翼確有1手

5) 灼生菜

6) sparkling drink

-與友人合資

-呢枝葡萄味嘅sparkling drink(無酒精成份)就伴住我哋食呢餐

7) oreo cheesecake

-好軟身,好creamy,都唔算太膩

-大廚b好欣賞,唔知佢食咗幾多件

8) 日本福岡士多啤梨

-與友人合資在citysuxxx買

-甜

-原來見人嗰面又鮮紅又靚,但個背脊就淡色d,有d就微微想壞,好在為數唔多

9) apple crumble

-呢個甜品都幾花時間,準備好都要焗大約大1/2個鐘

-扁身做法
-我個人就不太好有蘋果嘅甜品

 

後記

1) 除咗2味雞翼由大廚b主理之外,其餘嗰d都喺由大廚a包辦,先鳴謝2位友人

2) 今晚gathering個主題喺嚟玩wii sports,但喺我哋食埋晚飯+睇埋美味xx個大結局先玩,所以唔喺玩咗好耐(<2hrs),而且開始夜深.............費事友人比街坊投訴啦。 

但1齊玩wii sports時(我哋咁多個都無嘜點玩過,除咗屋主),1齊估吓個game應該點玩............塊stepper憑d嘜嘢嚟sense你個方向............對腳點郁先令電視個公仔effective咁向左向右 

我哋1齊玩咗比較過癮有 :

-ski jumping............我就因為想maximize個跳程,所以好遲先起跳,點知遲得滯,滾咗落嚟做咗雪地滾人..........友人們當然笑死啦 

-踩鋼線................友人接住玩時,點知個公仔開始唔到,只喺不停咁喺個台到彈吓,跳吓.........我哋問友人做嘜喺度跳啫..............佢話我都無郁到..........後來個公仔自己跳吓跳吓,就從高台墮落嚟............呱咗.........................原來個game1開始會記錄個player個體重........當另1個人接住玩而個體重out咗個limit時,佢就會有不受控制嘅反應 

-頂頭搥.........呢個我哋玩得最開心.........主要喺頂迎面而嚟嘅波........不過有時就會夾雜咗球靴啦..........熊貓頭飛埋嚟,呢d就要避..........但都幾難避..........於是波就頂唔到,但球靴呀,熊貓頭呀就接晒...........接到呢d扣分嘢,玩緊嗰個好自然會嗌"哎呀"........

-扭呼拉圈..............初時我玩唔知1路玩要1路接住飛埋嚟嘅呼拉圈.......仲話"仲嘜搵呼拉圈飛人個頭呀!!"...........後來友人玩,好叻咁接咗好似5個圈,但d圈開始跌到去大脾.........友人們就叫佢扭快d.......快d.......快d............我哋坐喺sofa,見佢扭到好過癮............仲話佢好似師傅到咁

好開心嘅1晚...........有得玩,有得食