assembly - 集結號

因blog友maximus嘅評論,所以由15,16嘅心(因想睇吓馮小剛)改為決意在jan 13, 08睇咗

故事講1項阻擊戰任務，團長劉澤水(胡軍飾)向連長谷子地(張涵予飾)下令，以吹起集結號作為撤退的號令；只要集結號不吹，全隊必須堅持到最後一刻！47名戰士奮勇廝殺，終究火力懸殊寡不敵眾。其中1名戰士焦排長在陣亡前，聲稱聽到了集結號響起，建議谷子地與其他隊友撤退；但隊中各人意見分歧，最後堅持力戰到底。谷子地親眼看著戰友們一個個死去卻無能為力，令他懷疑是否自己忽略了號聲，才導致全隊陣亡！從此，他生存的唯一動力只是為死去的戰友找回應有的榮譽，到底他可否令烈士們的遺體和尊嚴得到應有的歸宿？(copy自yahoo movie)

後記

第1次嚟睇馮小剛執導嘅戲,背景主要刻劃淮海戰役及朝鮮戰爭兩場悲慘戰事。在毫無期望下,反而收到無限嘅驚喜。好高興見到1個中國人導演可以拍得出咁有實力同感染力嘅電影...........絶對合理成為2007釜山電影節嘅開幕電影

本片集中力都放喺谷子地佢嘅小隊身上,谷子地基本上喺全套戲嘅核心。好多幕佢都無令導演/觀失望..........張涵予演得好好,佢嘅激動(隊員為了幫佢搵過隻新錶而冒險從己死嘅敵軍手上撿回來,而中槍死亡)/咆哮(當知道劉團長為了全軍撤退嘅安全,根本無發過吹集結號嘅命令)/執著(為著要証明同袍戰死而非失蹤嘅証據)都成功帶動觀眾跟住佢走........好出色,完全無搵錯人嚟擔此重任

而個故事好精彩,雖然長但1d都唔會悶。1開始就pan住柱頂(後來先知道原來喺紀念碑頂)嘅號角/小喇叭(唔太知道呢個樂器個名稱)......之後就喺1個倒敍,講谷子地同其兄弟好似王金存,焦大鵬,薑茂才,呂寬溝等出身入死抗敵嘅過程同之間嘅友情。為住要緊守軍令(聽唔到集合嘅號聲就要戰到最後1刻)............谷子地真喺好有committment咁要d兄弟同佢苦抗(面對敵方又坦克大炮.........自己只得小炮同基本火力),就算面對人性嘅軟弱,最終都無退下來,直至剩下自己1人。..........撿回性命之後亦待在軍隊,參加了朝鮮戰爭,從而同趙二鬥成為莫逆之交。

故事上最令人安慰嘅地方喺..........谷子地憑住不斷appeal........黨上頭終發信承認佢地九連48人嘅身份同47人戰死........之後再呼出1口冤氣嘅喺..........煤礦公司在1958年的開拓過程中搵番當年47具士兵嘅屍首........國家就起咗1個紀念碑同頒勳章比榮譽犧牲嘅47人+谷子地.......用鳴炮同吹出集結樂曲作結

個攝影亦應記1功,因佢用唔同角度同高度去拍出打扙時嘅氣氛,d攞位/角度拍得好有味道。最深印象嘅喺谷子地同王金存第3次(最後1次)抗敵方嘅進攻嗰幕,坦克大炮將小炮打散,影住1個小炮嘅車輪在地上滾走.......

好多評論都話呢齣戲好似喺中版史匹堡嘅saving private ryan,但個人覺得此片精髓唔喺戰場上嘅殺戮,而喺講谷子地點樣可以幫47名同袍討番個公道。所以我1路睇...........反而1路諗起meg ryan同denzel washington 1996年嘅courage under fire.

當年我睇courage under fire唔明白人都戰死咗,仲嘜要做咁多調查去頒d咩勳章,仲有咩用。此片亦幫我領悟到勳章唔單只對當事人英勇行為嘅確認(佢哋的確deserve呢個表揚)........而且對其仍活著嘅家人1種心靈安慰,使佢哋唔洗活在悲傷之下,而喺自豪咁生活落去

所以我身旁嘅女士都睇到拎出紙巾,再側邊嘅亞伯都抺眼睛............