文記清湯腩‧咖哩腩麵家@元朗 - 清湯邊腩撈粗麵

moved

文記清湯腩‧咖哩腩麵家

 

地址 : 元朗炮仗坊18號地下
電話 : 2442 3832
消費 : $31/head

整體評價 : good

jan 08, 08,睇到網友話亞曾特首都嚟食過,咁我就跟嚟試吓啦

- 牆上好多"煽"稿,又邊腩,爽腩,又坑腩,我都唔識分有咩唔同(因平時好少食牛腩)。於是問吓店員個分別,好簡單話比我聽,坑腩唔同邊腩,介紹我邊腩比較滑d

- 好............選定咗

1) 清湯邊腩撈粗麵

-整碟賣相都擺得幾有心機

-個邊腩的膏,肉,皮亦分佈清楚,比例適中,份量都算多。入口d膏都唔會覺得肥膩,個皮就帶d彈,肉就真喺滑,腍,但又唔會腍到無咗肉嘅質感,幾有質素。反而個味道無我想像中咁濃,比較自然,有香料味,但喺好溫和嗰隻,主要喺食番肉自己本身嘅味。鍾唔鍾意就要睇個人口味喇

-個麵都彈同挺身,算有質素因好怕食d腍嘅麵,只喺第1啖入口都有"梘"水味,但好在唔太重,食多幾啖,味蕾就已經被同化了

-牆上嘅"煽"稿話原來碗湯都好有特式,用上了中藥材,可以中和牛嘅燥熱咁話喎(呢d嘢睇過便算).............入口絶對唔喺肉骨茶咁濃嗰種藥材味,唔講我都唔會聯想到喺藥材嚟,對我嚟講似中國的香芹味+埋1種幽幽嘅味,小鹹,見唔到有油; 蔥花喺店員臨離開個廚子counter前問過你先加入去

 

後記

1) 味道整體好唔錯,勝在麵,腩同湯,好清唔油,但有鑑於我好少好少食清湯腩,所以position/比較唔到呢間好到去邊

2) 不過麵檔要留意吓d碟,崩成咁,就好換過佢啦..............有潛在food safety問題

3) 在短短嘅舖面同裡面前段(後段唔知),就已經見到4張特首相..............真喺1路食,曾特首都1路與你同在

 

點樣去???

1a) 如果坐巴士從香港/九龍/新界入元朗,可在又新街站落車..............向前行到恆香...........過對面馬路......轉左

1b) 如果坐輕鐵lrt..........大棠站落 

2) 向前行

3) 當見到周生生同恒生之間嗰條窄巷(有4個柜員機)..........轉入

4) 向前行

5) 去到公園分岔路..........揀左手邊...........前面幾個舖位就喺