要追溯番在sep 18, 07晚上來看首影,見到張飛的導演是彭氏兄弟,心想唔喺鬼片嚟ga馬,我最怕看鬼片,不過同事同我講,鬼戲部份佔好少,都是以偵探戲為主,唔驚嫁!(不過我知道佢睇開鬼片,佢話唔驚唔等於我受得住)點都好唔好side咗張飛啦!
故事背景發生在泰國,講aaron是1個私家偵探,有日在酒吧認識的大儍(賣豬肉)走來,放低1叠錢,要他幫手搵相入面個女仔,說她跟蹤住佢,仲想殺佢,臨走時口吐白沬,煞是鬼異。
收得人錢,自然要開工查。先向由細玩到大的廖啟智幫手,因佢喺類似區長嘅警察職位。自己就攞住張相,在街上問吓d鋪頭,碰碰運氣,好彩比劉紹銘認出相中個女仔,aaron為免起人懷疑,扮喺個女仔的朋友,剛從外國番來。從劉身上套出同個女仔有關係的人,然後就隨住呢個線索查落去。
不過好邪,aaron查邊個死邊個,先是個女仔的男朋友,意圖爆竊的男人,之後是黎耀祥(股票經記),接住喺商天娥(銀行teller),比廖啟智冠以死神的稱號,並命令佢唔好再查因每次在兇案現場,aaron都是第1証人,咁樣1來比咗好多麻煩廖啟智,2來也令aaron越來越有嫌疑。每個兇案表面上似是自殺,但aaron就堅信唔喺咁簡單,1直都唔贊成廖close file,因自殺的動機同遺留下來的証據唔吻合,還重返兇案現場,試圖搜集微小的証據/線索。雖然廖口口聲聲話唔會幫aaron查個女仔個底蘊.但都喺口硬心軟嗰隻,自己有試圖去個女仔屋企搵
aaron唔心惜,1定要查出真相為止,最後查到黃德斌時(銀行副經理),就發現佢好有可疑,黃知道aaron跟蹤佢時,就打了他1身。就算有人為的高空擲物,恐嚇信,追殺,但咁樣都無令aaron停手,反而令他更有決心捉個兇手。他將所有有關人物的死亡日子,地點,遺物,逐1列出,並從兇案現場用手機拍下的照片+拾到消剩的相片中(後結論到是在女仔個屋企度拍的),找到更多頭緒。aaron大致上推測男朋友同其他partner抄窿margin,於是謀財害命,串通銀行職員把女仔户口d錢轉到別處去填"氹",欠的就是證據
兜了1大個圈,查吓查吓,最終link到同件事扯上莫大關連嘅,竟是老細 - 大儍 身上。奇怪地大儍完全唔記得自己托過aaron查案,當見到女仔嗰張相時,突然間好似失咗常咁跑上天台,最後又口吐白泡咁跌咗落樓死埋,又斷咗條線
有晚跟蹤黃之際,為追着1個身影,被引領左穿右插並跌落1個荒廢咗嘅垃圾坑內,等到廖同d伙計來救佢時先發現該處是個女仔被棄屍的地方。與此同時亦發現了2具死咗30年的骸骨,後經証實是aaron失蹤多年的雙親
第日廖帶隊去銀行捉黃,怎料黃在混亂中捉住aaron做人質,在僵持期間,電影手法帶我哋穿越黃的記憶,就咁樣交待點樣5人分工殺死個女仔。最後廖好準確地向黃的頭部開槍,aaron才得以脫險
事情理應告1段落,但aaron忽然攞番兇案現場d手機相出來,overlap下便發現女仔的鬼影,電影的畫面就出現黎耀祥,商天娥,大儍等是因為女鬼作祟而死
後記
其實套片的氣氛掌握得好緊湊同緊張,有d位的鬼秘感(配樂)凝造得令人屏息以待,令觀眾睇得好投入。亦有好多surprise和驚嚇位,例如aaron發現女仔個男朋友上吊後,不久條繩突然斷咗,成條屍跌咗落嚟,我唔記得咗自己有無叫到。這套戲的驚嚇情度已是我的上限了
另外故事亦好完滿,主線(找出兇手)同副線(aaron心願-父母的下落)發展清晰,而且好巧妙同自然地,推吓推吓,2者就連上了。有時個故事有令人unexpected的情節,例如aaron去商天娥屋企,個小朋友正在罰抄,以為小朋友在學校頑皮比老師罰,原來是代亞媽寫,作為贖罪的
提外話,在入坐前,被迫要在戲院大堂聽記招,不過正因為咁,有幸近距離見到黃德斌,廖啟智,aaron,商天娥,小雪等artists
另外d首影飛都有市,出到嚟好自然有人問你攞,好明顯佢哋唔似個人收藏,唔知出面市價開幾多呢?我手上仲有1張
沒有留言:
張貼留言