hero - 律政英雄

昨天(oct 27, 07)早上,再接住睇埋佢因同事話ok,見網評都唔差

故事講久利生(木村拓哉飾)幫芝山(亞部寬飾)接手1單semi finish嘅傷人致死案。初時個疑犯已向芝山認咗罪,點知上到法庭,個犯突然改口唔認罪,並且搵咗個好top嘅大狀為佢辯護

唔尋常嘅事態發展因為有個唔尋常嘅背後勾當。事關呢個疑犯同時佢1個國會議員1宗賄款案嘅不在場時間証人。如果疑犯被定誤殺案嘅罪,即反証佢無可能在同1時間做到議員嘅証人。所以議員背後亦用了天價請了個大狀比佢

久利生誓要為死者未婚妻討回公道,孜孜不倦咁搜集證據,更遠赴韓國找車,全體事務所同事大伙兒到廢車場找車,從大叠相片中找疑犯,在街頭向路人查問手機相...........

當然最終比久利生等人搵到手機相証明疑犯當時在誤殺案的現場附近,亦憑此成功把疑犯判入獄8年;而議員因為失咗有力時間証人,那宗賄款案被成功入罪

而久利生與雨宮(松隆子飾)在last shot的1吻,亦loop埋有情人終成眷屬

後記

1貫作風,主線都喺刻劃久利生嗰種永不放棄同堅持嘅精神,甚至可感染埋身邊嘅人,但就用咗太長同太多的事件去build up,不免令節奏變得好慢...............最後久利生的結案陳詞嗰段,就好令人感動

不過之前我無睇過電視嗰個特別版,所以對於久利生同議員之前d瓜葛唔多清楚,可能對某些情節relate唔到。而最後loop埋久利生同雨宮嗰段就覺得好似好趕時間,速速了事咁

片中不乏輕鬆攪笑位,例如久利生鍾意買直銷產品,買完又唔arm用,個bar tender未聽過佢1句對白,眼神兇吓兇吓,但唔聲唔聲拎部翻譯機出嚟,好攪笑.........

李秉憲真喺好客串吓,因出得1場,如果喺佢fans1定會好失望