halloween - 月光光心慌慌之殺清光

被其故事大綱所吸引,今天(oct 27, 07)早場攻了呢齣片

故事講1個10嵗的男仔mike meyers活在1個吵吵鬧鬧的家庭,老豆是1個典型廢人,因傷短時間內做唔到嘢,攤在屋企食同瞓,脾氣又臭,單靠亞媽跳艷舞頂住頭家; 同家姐關係亦唔好得去邊; 仲有個bb嘅妹妹

個男仔d性格同嗜好(戴面具)已經好怪同兇殘(在屋企厠所殺咗隻貓)。1次在學校厠所比人笑同侮辱佢亞媽,忍唔住打起上嚟,比老師制止並要見家長,咁先知道佢個書包內有隻死咗嘅動物,同1叠流晒血嗰隻動物死狀相, 所以校方找來dr samuel解釋,說服佢亞媽比個仔接受心理評估

mike在房門外,突然跑去locker,攞咗個面具,跟住頭先出言侮辱佢亞媽個靚仔,去到1個比較幽靜嘅叢林,mike拿住粗樹枝從後襲擊………..就算靚仔趴地求饒,都無用………咁就開始咗佢第1單殺人事件

到咗10月31日晚,mike坐在廚房,在無人挑起佢把火的情況下,拿起大膠紙,菜刀,帶起面具,先將亞爸割喉,繼而用baseball bat對付家姐男朋友,最後亦把家姐殺埋。唯獨對bb嘅亞妹手下留情,抱住佢坐在屋企門口條樓梯等亞媽番嚟。亞媽回來就揭發咗呢單驚天家庭大慘案………最後mike當然要住少年囚室,受人監管,每天要接受samuel嘅輔導

但咁樣都制止唔到mike嘅魔性,沒多久,佢憑藉1隻叉就把女看護殺死。今次佢亞媽受唔住呢次帶嚟嘅打擊同壓力,吞槍自殺,而個bb女(後來交待),比個警察帶去第2個鎮嘅醫院,希望佢會有個新開始

15年後,mike長得好高大,4肢好發達,被鐵鍊鎖手鎖腳,。在1次transfer佢嘅途中,mike成功扯斷手鍊,先將押解佢嘅officers徒手殺死,之後是呢間院嘅staff,最後連1直對佢尊重有嘉嘅看守員都殺埋…………

逃走之後,mike遇1個殺1個, 並躲藏在已空置嘅舊屋度。佢似乎要搵番個妹,又比佢查到(命運嘅安排,亞妹又被人領養回呢個鎮),並開始跟住佢。有晚,亞妹個好友同佢男朋友,揀咗喺呢間舊屋過夜,當然亦無1幸免

又在10月31日晚,……..target是領養亞妹2公婆…………….亞妹另1好姐妹同佢男朋友……….警員,…………通殺

samuel與mike相處咗咁耐,亦估計佢喺向個妹進發,samuel在千鈞1髮之際,無辦法下,向mike開了3槍,把亞妹救了出來,諗住已告1段落,點知mike突然跑出嚟,打破車門玻璃窗,把亞妹強行拉出來

samuel為了救亞妹,轉移mike的攻擊目標………之後比mike握死。亞妹今次唯有靠自己,東奔西跑,左閃右避,最後攞咗samuel遺留下來枝槍,向mike個頭射,咁先至解決



後記

基本上呢齣戲無冷場,全程處於好緊張嘅狀態(時常陰陰濕濕從後攻擊),尤其最後亞妹拎住枝槍,唔向mike開火,仲避來避去,真叫觀眾睇得肉緊同火滾,旁邊個亞叔都忍唔住話”射佢啦,淨喺識得喊”

故事亦慢慢舖排mike的變態程度漸漸升級,由被人挑釁先殺人........唔需要理由..........唔理平時對佢點好,全部唔放過,成功塑造到呢個魔頭形象好得人驚

另外d恐怖殺人鏡頭1d都唔欺場,大多數唔會將鏡頭pan開當交待咗就算,有close up啦,d血點bill出嚟啦,不停棒打,總之都喺正面鏡頭,我要時不時”黯”住個口才可令自己calm down,唔會叫出嚟

不過有d質疑點解mike個體格咁強,又大力成咁,唔知嘅以為睇緊不死人/喪屍片,中咗4槍同1刀(頸喎),都好似無事咁,依然咁孔武有力

今次唔好彩遇到個不停發聲嘅亞叔,小小嘢又笑1餐,就算唔喺gag位都笑,1時就”jac”“jac”聲, 有時仲會有評語,懶投入,懶喺識得欣賞編劇嗰d黑色對白同導演的氣氛安排,頂佢唔順,好滋擾,好無品,完全唔理人感受,你以為自己包場咩

礙於1界女流,其他男人都唔出聲,+上佢睇呢d暴力3級片咁投入,都唔知佢喺唔喺1個正常人,佢又坐我隔離3個位…………唯有啞忍……………xxxx!