death sentence - 死亡裁決

昨日(oct 14, 07)急趕看多1齣早場,連看2場,彌補星期6無睇到

kevin bacon是1個好典型嘅性格演員,佢唔靚仔,體格亦唔算靚,但在apollo 13已開始留意佢。如果佢塊面能飽滿小小就更有味道,現在太瘦削,有d鬼鼠同蠱惑仔look, arm做奸角多d

故事講kevin bacon演1個vp高層,家底當然唔錯,有個幸福的家(有老婆同2個仔),大仔在ice hockey上好有成績,攞咗好多獎盃,並打算去加拿大升大學,方便upgrade ice hockey的技術。1晚父子2人去近郊看冰球賽事後,大仔在1個加油站的便利店內被兇徒用刀割喉,kevin bacon就算衝進來也阻止不了,最後傷重不治

面對喪子之痛,kevin bacon同老婆正打算要起訴1個捉到的兇徒,希望判佢終身監禁,但後來知道案件欠缺其他証人,加上個油站無裝到cctv,咁弱嘅証據下,好易比辯護律師嗆甩,建議和解之類的方法,但咁樣只會最多坐5年。於是kevin bacon兵行險著,在法庭上沒有指証兇徒,打算自己用武力懲治壞蛋

kevin bacon自從法院門口開始1直跟蹤兇手,知道咗他的住處,入夜後,把握到1個機會,好生手咁,在糾纏中真的把兇手殺掉。自此之後上咗條不歸路因兇手正是班gang首領 - billy嘅親細佬,他誓要捉到殺細佬嘅真兇。因kevin bacon行兇當晚比其中gang員個妹認出,於是billy就點咗佢相,追殺佢,追逐其間,其1成員反被kevin bacon殺埋

面對失去2個同黨,billy決定要買起其妻兒,要kevin bacon 1嚐孤獨的滋味。雖然kevin bacon最後尋求警方保護,但仍比billy等人幹掉2個警察,入屋滅門,妻子離世,兒子昏迷躺在病床,促使kevin bacon找billy報仇

kevin bacon逐1把gang員除掉,最後贏咗billy,把他殺死,但最終付出的代價好大

後記

個人對故事同劇情要求convincing,但這點在這齣戲內搵唔到,試問1個vp怎會咁衝動,訴諸暴力去攞個公道。其次1個坐咗office咁耐嘅中年男人怎可以在"劈"友方面鬥贏班蠱惑仔?人哋話晒殺人放火是強項,是正職。套戲又無交待過kevin bacon以前是否有特殊training,以致好似rambo咁打不死。整體戲情自覺牽強

另外,警方嗰條線,放咗好少篇幅,咁簡直表達到警方嘅無能,明明個女detective憑經驗察覺到kevin bacon有可疑,但就無跟進落去。當有2個警察殉職後都無發散人手緝捕班gang,於是演變出kevin bacon單人匹馬去尋仇

不過如果女警真喺介入,可能就鋪唔到kevin bacon的1連串你殺我,我殺你的橋段

not an appreciated movie to me