hairspray - 戀愛大爆髮

上星期日(oct 7, 07)來看早場,難得上咗咁耐,仲有early bird ticket,而且等陣要在附近食brunch buffet,好1個perfect嘅節目編排

故事是60年代的美國,先用musical的手法開始,影1個小肥妹從家返學的情況。雖然個肥妹唔靚,外形唔討好,但就肯定有把好靚嘅聲。個肥妹跟本上無心向學,佢只對每日4.00pm的跳舞節目- corny collins show(1噴髮膠商贊助的)有興趣,1路睇1邊跟住跳,當然更要睇肥妹好心儀嘅同班男同學 - 亞凌,佢有份在該節目演出。咁又知道上帝是公平的,因肥妹都好跳得吓

1次偶然的留堂,令她認識到黑人seaweed (corny collins show中negro day女主持個仔),他的舞姿深深吸引住肥妹,肥妹還認得出他有份做corny collins show中negro day的跳舞演員。肥妹好有天份,好快從他身上學到1招1/2式,就咁樣佢哋就做咗朋友,好開心咁1齊跳

機會終於嚟喇,corny collins show招募1個跳舞演員,縱然母親(john travolta反轉演出)反對,肥妹在老友(amanda bynes)同亞爸(christopher walken)的支持下,決定去試鏡。可惜比節目監製(michelle pfeiffer)踐踏到體無完膚

,out~~

在1次negro day show中,肥妹突然跑了出來同seaweed共舞,1展身手。觀眾很受落,corny collins本人亦好欣賞,他主張白人同黑人應同台演出,打破種族主意,這正是大勢所趨。不過就被michelle pfeiffer同贊助商強烈反對,甚至想除消negro day添

有日seaweed亞媽要在家裡開party,seaweed於是邀請了肥妹,佢老友同埋亞凌1齊去,1輪勁歌熱舞後,有人通風報信,john travolta就來"step"場,諗住帶個女離開這個品流複雜的黑人區。不過難敵美食的引誘,最後坐低1路食1路賞欣,完全被們的歌舞懾住

不過原來seaweed媽咪這個party的用意是要宣佈negro day被終止,各人都好失望,尤其喺佢個細女 - 金妮子因佢在跳舞下咗好大努力,1心諗住有天可以在節目表演。肥妹突然提出遊行去爭取種族平等,打破歧視分化,並願意挺身參與作支持。不過亞凌不願意作出咁大嘅犠牲因此舉會令他失去在corny collins show的出鏡機會,就此離開了

翌日,肥妹偷偷溜走去join黑人遊行,並無意間被誤作襲警,但事件成功引起社會的注視,。肥妹唯有匿藏於老友家,可惜比老友亞媽發現,並lock咗起來而老友亦比亞媽綁住在間房度。seaweed跑來先把老友救出並贏得香吻,奪取芳心,其後將2人帶回家裡

另1邊廂,michelle pfeiffer用盡全力阻止妑妹返回電視台,擔心她來破壞當日的噴髮膠少女選舉,所以加派人手守住大廈入口。她為了令愛女再次奪冠,不惜作弊,抽起部份電話投票的結果,不過仍被肥妹等人合力智取,衝破防線。

就宣佈當晚的噴髮膠少女前,肥妹趕得切上台跳番part舞,並邀了金妮子出來跳。在這短短的幾分鐘,電話投金妮子的票追過了michelle pfeiffer個女,贏咗。隨住黑人勝出,印証普遍市民接受同欣賞黑人的才華

後記

呢套片的歌(easy listening)舞場面令人賞心悅目。另外塑造到肥妹個角色好有vision,因在她身上帶出到個重要message - 反種族歧視同1個幾+ve的信念 - 去做自己覺得對的事,包括追求自己的夢想regardless身邊阻撓的人/事。

值得1看