lust, caution - 色,戒

上星期5 (sep 28, 07)利用了信用咭送的UA coupon,友人幫手lock咗呢套common interest嘅戲,始終另外2個friend無我咁濫,唔喺嘜戲都睇

故事講1個抗日年代,1群熱血的愛國青年雖仍在唸大學,但那股熱誠,尤其是王力宏所演的角飾,希望以話劇團(7人)的演出為國家籌錢。在偶然的情況下,王力宏知道以故亞哥的同學(錢家樂飾)為漢奸嗰伙人搵食。王開始想直接幫到國家出分力 - 把幫日本的中國人殺死,其餘的話劇成員亦相繼答應參與這件高危的項目

經錢家樂的引薦,湯唯與另1partner扮成蔡氏夫婦,又租大屋,靚車,開始接近梁朝偉的太太(陳沖飾)。湯唯常常在陳沖家打麻將,偶爾與梁朝偉見幾面。梁亦有被湯唯所吸引,但亦非好色到立即飛擒大咬,他是個事事小心謹慎,反覆研究無問題才會有進1步行動。正當湯唯作了最徹底的付出時(豁出貞操,與無感情的劇團partner build up性經驗),陳沖突然話2人要搬回上海,各人眼睜睜斷咗殺梁的機會,湯唯更"dump"心,個人白白的犧牲。

正要收拾細軟之際,錢家樂突然跑來揭穿各人扮鬼扮馬的底牌,圖以此情報賣給傾日人士換取好處。在有你無我的情況下,各男劇友合力,要多個回合才把錢殺死。之後各人就各散東西,無再聯絡

直至3年之後,王力宏1眾人等來找湯唯,看看她仲有無興趣延續之前的殺人計劃。今次會比上次有步處因佢哋己加入咗地下組織,有策劃,有支援,有指示,有訓練,pro好多。湯唯接受這個offer,再1次向陳沖埋手,今趟仲住喺佢屋企添,更加多時間見到梁。

今次湯唯終於得手,成功與梁有肉體上的接觸,不過梁那次style好粗野,完全強壓式,似是將平時受受埋埋的烏氣一一發洩在湯唯身上。之後湯唯試用以退為進,進1步勾着梁的心。看着梁逐漸在湯唯身上找到釋放自己的空間,慢慢為她動情,付出; 湯唯似乎感受到呢番心意,不知不覺間,卻真喺愛上了梁,在最重要的行動關頭,提示梁要速逃。

梁的成功逃脫,亦敗露了湯唯自己的身份和全個行動,結果1眾人等反被梁秘密鎗決。今次湯唯為了所愛的人,賠上了自己和隊員的性命



後記

這套片有籍得欣賞的地方是人物勾劃的細膩和表達感情的手法,並非故事的戲情或視覺的效果,這當然需要演員的功力才收效。

個人覺得這齣戲最特出是湯唯的角色,顯得梁朝偉似是個男配角,因在戲份,可發揮性和內心戲的複雜性都較梁有挑戰性。喺戲裡面,湯唯要又唱(都唱得唔錯),又做(床上),又演(戲裡第1角飾+臥底),講3語(國語+上海話+廣東話),眼神有力,表現唔生硬。以1個新人嚟講,咩咁重飛,都掌握得到,真喺唔易,所以好讚湯唯的演出

梁朝偉的部份,演倒1個通蕃賣國的反派其實常常要壓抑自己的情緒,高度戒防,無從宣洩,心裡有說不出的沉重和難受。所以當遇上可令佢信任,釋放到自己的女人時,就連1個漢奸都湧出真情來。唔知點解d導演多數搵梁做內心戲,好似傷城咁,角色都喺寡言,性格陰陰沉沉

唯獨對部份劇情覺得唔多合邏輯同欠說服力。首先1班大學生,都有番咁上下知識,但就好似匹夫咁,得個勇字,唔計算成功率有幾大,就"訓"身付出,見步行步咁款,無無惠惠咁要1個女劇友作出喺嗰個年代咁大的犧牲,仲要殺埋人,得不償失

喺官方故事內容話梁好色,但這點在戲內唔多覺因只拍到梁同湯唯有激情場面,鮮有刻劃同其他女人攪3攪4,所以這點唔多夠說服力

其次是用陳沖配梁朝偉,外形上陳沖的風韻比對梁成熟,唔多襯。唔知是否刻意咁配來解釋梁要去滾,如果喺咁嘅話,編劇真喺好高啦,hahaha