stardust - 魔幻星塵

上星期6(sep 29, 07),在2套戲(stardust/ the brave one)之中選咗li套,因為唔知在那裡看到有網友大讚stardust,+上有2大cast - Robert De Niro羅拔狄尼路+Michelle Pfeiffer米雪菲花,而且開場時間比the brave one遲,所以就佢啦

故事喺講2代(亞爸同個仔)環繞1幅圍牆以外的魔域世界。圍牆有個決口,有個亞伯日夜看守,唔比村民走入。有晚,還是年青的亞爸可能因為好奇,趁亞伯1時疏忽,成功溜入這個村民禁地。原來那是個魔法世界,並被佢遇上心儀的女子,但佢被1條魔法鏈綁住隻腳,走唔得遠。他們在互相吸引之下,共渡1夜春宵,之後男的就回到自己條村,繼續生活,直至9個月之後,收到1藍人肉包裹-bb仔,應是魔法世界的女子同佢生嘅仔

霎吓眼,亞仔又長大成人,不過佢比較平凡,只是雜貨店的雜工,無嘜特長,亦唔sharp。佢好鍾意1個富家女(sienna miller),不過富家女身邊有個富家子追求者,有錢有外形,好劍術。富家女當然喜歡富家子多d,但似乎亦好享受亞仔對佢嗰份痴情,傾心同赴湯蹈火的感覺。亞仔終於有機會約富家女於草地嘆香檳,望到有顆好光嘅流星,亞仔答應攞嚟送比富家女作生日禮物/求婚

原來這顆流星是魔法世界國皇駕崩前把自己的紅寶石頸鏈拋出所做成,作為日後真正承繼人的信物。同條鏈1齊還有星星化身為女子(claire danes)1同墜落凡塵,於是各方(,亞仔,魔女米雪菲花同2個皇子)都為爭奪這頸鏈/星星女子各出奇謀,各有目的。亞仔要帶星星女向富家女印証曾許下的承諾,米雪菲花要星星女個心來長生不老,壞皇子要條鏈來繼承皇位,後來知道咗食星星女可以長生不老,於是鏈又要,女又要

最先是亞仔搵到星星女先,不過魔女同埋壞皇子亦追得好貼,這個追逐戰中既緊張又多特技效果。中間亞仔遇上好人船長羅拔狄尼路,教佢劍術同be a man;又巧遇亞媽。最後各爭奪者你殺我,我殺你之下,剩下魔女對戰亞仔同星星女。亞仔同星星女經歷咗咁多出生入死後,互相深愛對方,在1+1>2這個chemical reaction下,星星女發出萬丈嘅光芒,戲劇性把魔女消滅

最後是大團圓結局因亞媽原來是皇帝失蹤咗好耐個女,所以順理成章,亞仔便是唯1有皇族血統的繼成人,與星星女結婚,成為國皇同皇后。而亞爸亦可同亞媽1齊

後記

個故事好精彩,好豐富,條故事無拍到亂晒,交待得好清楚。情節1步牽引下1步,貫連得好緊湊,又多特技效果。戲情當中不乏黑色幽默(當皇子互相撕殺死後成為鬼魂,會保持臨死的造型,交待到有d無出過場的皇子是怎死,1d都唔恐怖,反而有d攪笑,而且佢地死後會冰釋前嫌,坐埋1齊觀戰,比到d輕鬆位)

另外的輕鬆位是羅拔狄尼路扮1個孿的船長同他的船員的生活鎖事。今次羅拔狄尼路的戲份唔多,好似1個大卡喱啡

籍得/推介1看!