今日全日自由活動..........咁即喺全日自費,咁會自選項目呢????
1) 去神山
2) 去潛水
3) 去玩激流(2級,因火車路軌問題,去唔到3級激流嘅出發點)
4) 自有安排
而我哋呢個4人組合竟然分開各自玩咗3款活動,2個友人去咗神山,1個去咗潛水,我就伙同其他同團團友去玩激流
但我玩激流無影相,遲d問番團友攞番先.......全艇共5個人(3男2女)+教練+佢4嵗大個仔..............教練成日整蠱
同艇嘅女仔,佢用漿大力撥d溪水上個女仔背脊/兜口兜面咁嚟
,又除埋頭盔"畢"d溪水照頭淋我哋,d水真喺幾涼
,我當然有遭殃啦,但就無另外個女仔咁"應",因教練次次都向佢襲擊,我已經相對少好多,可能我唔會大叫,所以覺得我反應唔好,攪唔到氣氛
最後我哋2個分別都比教練dump咗落溪
.............佢當然揀喺唔湍急同平靜嘅河溪先咁做啦........但原來你跌咗落水之後,自己好難爬番上艇,要其他人拉我件救生衣先上到咋
其實全程(大約1.5hrs)1d都唔激,只喺1次有拋起嘅感覺,但我未玩過呢樣嘢,都喺1個好嘅嘗試,玩完都幾倦架...........不過我自己虎口用力握住d嘢長少少時間就好容易會痛(可能慣性用錯力),所以我叫做試過1次就夠喇
玩激流包埋嘅lunch
食完離開番酒店
本來去咗酒店游吓水,但因為天暗暗,浪又大,所以hea咗1陣就改咗去酒店內嘅gym玩跑步機,初時連教練都無,間房得我1個,將本來已開咗嘅hi-fi扭大佢爆機...........無幾耐,優惠期無咗lu...........就咁樣就跑咗近1hr,我當然唔喺1開始起勢咁跑啦,唔喺1早就斷咗氣啦
..........我喺慢慢+速,不過到最尾就無慢慢-速,話停就停,落地真喺有腳浮浮現象
,好在無事,頂到............下次真喺start同end都要慢慢嚟
揀咗導遊介紹其中1間食海鮮嘅地方,pair埋另外1group團友,8人分咗2架的士嚟
上到的士,個司機同我哋講另外仲有間多本地人去嘅,我哋緊喺唔理佢啦,呢d情況喺1般騙案橋段
地方好似大排檔但好乾淨
即揀即撈
好多款
呢個好超抵,每隻馬紙$3,而且個質素仲好新鮮添,只喺開蠔個技巧差少少,會"痴"有蠔殼碎,佢哋每人encore多1隻,我自己知自己事,無+追,1隻就夠啦
咁大個椰青,我同友人share
炸軟殼蟹
其實仲有3味餸無post到因影到out focus咗,食得咁狼,每人都喺hk$140咋
咁多海鮮,我真係會開心到失控
回覆刪除