x’mas party之校服誘惑

上星期5 (dec 14, 07),公司annual dinner,今年主題喺back to school,配合大會嘅衣著喺校服look。為鼓勵同事多多參與,逢親著學生look者,均獲贈超市禮卷$100。之後再設有多個奬項………. eg最出位奬,最佳學生look,最模範學生等

當晚,我作了男仔校服打扮,穿西褲,波鞋,上身就唔多似,即刻問同事借咗條有代表性嘅領呔打………掂晒,成功攞到$100

有個男同事好出位,玩反轉,著咗件超短水手top,露咗1大截腰同個肚臍,裡面仲戴咗個黑色lace bra,+上超短低腰裙,不時擺出誘人/健美先生的谷胸,谷muscle姿勢,又刻意牽起少少條裙,露條橙色3角底出嚟,又或踢高/高舉隻腳……..咩都睇晒……..當然呢位同事著成咁,就當然好玩得………豁晒出嚟…….

好多同事,不論男男女女都爭住同佢影相………我有好多同事即sales不嬲咩都敢做……..對住佢,又摷又揸………又伸脷……..場面好鬼色情同3級……..絶對切合我公司嘅產品要求……..18嵗以上先得

我dept嘅同事有時要求用我部相機影……. “wei,同我哋影…….快d……….”咁宜家我部相機都唔可以隨便借比人睇番我影過d相喇

見到佢上台拉票的呼籲/個人show time………露埋股la.........全場人都狂笑,我就1路笑,1路拍枱,1路講痴線……佢緊喺攞到最出位奬啦……..得到$800

今年是我在這間公司的最後annual dinner,試吓會唔會標個尾會,攞個大奬……….but sorry……….慣常無抽獎運

但當晚同咗好多同事影相作為留念………好開心