2007年12月19日 星期三

persepolis (eng version) - 我在伊朗長大



上星期日 (dec 16, 07)來看

故事講1個小女孩marjane生於德黑蘭1個思想開明的中產家庭,自幼接受法語教育,性格調皮活潑,敢作敢為。伊朗在巴列維王朝倒台後,局勢嚴峻,人人自危,由marjane細細個開始,個政治都好亂,呢個下台,嗰個上台,但邊個掌權都好,都喺獨裁管治,要面對內戰,風火飛花,又大舉剷除異見份子,百姓得唔到安定,諧和嘅生活..............她的父母惟有忍痛把女兒送出國。


14歲隻身來到維也納,在長達4年的留學日子裡,瑪珍從小女孩成長為亭亭玉立的少女,在呼吸自由空氣的同時,也受到種族歧視,因失戀的打擊決定返回故鄉,重新適應在這個封閉專制的伊斯蘭國家生活。經歷了4年失意渾噩的日子後回到祖國,她盡量循規蹈矩,結了婚安定下來。可惜最後還是忍無可忍,24歲那年離婚遠走法國,修讀插圖藝術,自此長居於外國。



後記

在未正式上畫前,友人同我講過電影源自1本暢銷漫畫,建於真人真事上。個人對伊朗歷史唔熟悉,所以這片透過1個細路女嘅成長比我知道多d,手法唔heavy因唔會填好多資料同人物交代。

呢齣戲要用睇自傳嘅心態嚟欣賞,比較寫實,唔好以故事性強唔強,又因是卡通動畫,唔可以話拍得好唔好來judge

marjane生於1個地獄國家,戰事(內+外)又多,管治者手法又獨裁同殘暴;女性地位10分低微,又受到女權組織監察。幸好(其實都唔知喺好定唔好),在家裡對比是個天堂,因佢父母同嫲嫲(影響佢最深)好開通,又愛惜佢,比到佢10足自由度........好似爆機,鍾意iron maiden,彈heavy metal/ rock n roll music(違反伊朗的主流)..........,所以marjane先會有1般細路女無嘅敢言同問點解,亦因為咁佢會遇上比1般人多嘅內心沖擊同比人打壓的感覺

小小嘅天堂點都敵唔過大圍嘅地獄,於是marjane父母試圖送佢出國,希望好d,但marjane不是在外邊好有發展,變咗做鳳凰,而喺越嚟越霉............後來回到袓國結埋婚.......離婚..........去法國生活。見到佢個生活,你好自然就會覺得自己好好彩,生活安定,想做咩就做咩

呢套戲在康城影展攞到奬,個人覺得因為唔多人知道伊朗1般人究竟活在咩嘅環境,心理成長又喺點.............呢個漫畫嘅電影版就可以比大家知多d佢地嘅有苦無路訴,1就喺在妥協下生活/ 唔喺就搵辦法出國

最重要喺帶出marjane嫲嫲1路教佢做人嘅道理,要有integrity同 honest。雖然外面世界嘅人對伊嘜伊嘜嘅人無好感,被人誤解,但marjane幾經嫲嫲提醒,都無愧大聲話比人聽佢喺伊朗人...........抬起頭,光榮地生活.........因為生於呢個國家無得揀,國藉亦無得選擇.................呢d都唔喺佢嘅錯.............唯1佢哋可以揀嘅就喺點樣做好自己

3 則留言:

  1. 雖然話手法唔 heavy,不過用個題材好似好 heavy o下,而用動畫黎表達,唔… 應該會擺響低少少既 priortiy … 講起 integrity,睇下《投名狀》呀,講既野都幾矛盾o下。

    回覆刪除
  2. 睇黎好似唔錯喎

    回覆刪除
  3. 十成你寫得好啦

    回覆刪除