tokyo tower - mom and i and sometimes dad - 東京鐵塔 – 我的母親父親

上星期6 (dec 1, 07)與友人來看

故事講亞媽榮子點樣獨力”湊”大亞仔雅也(小田切讓飾)。雅也細細個就已經跟住亞媽+外婆等人生活,淨喺暑假先番去亞爸到住吓。直到15嵗離開鄉下,去到城市念美術,開始自己照顧自己嘅生活,而亞媽就每個月寄錢比佢

因為無亞媽喺身邊,於是在東京讀大學嗰時,將亞媽比佢d錢洗晒喺吸煙同飲酒度,荒廢學業,雖然最後都畢到業,但佢無積極搵工,無錢交租,最後令到債台高築

直至知道亞媽有病,就發奮做人,勤力接job,清還債務,後來仲接咗亞媽嚟東京1齊住,1直照顧到佢走咗為止



後記

全片無寫亞媽點樣含淚咁帶大個仔,而喺好似d正常單親家庭(但其實2公婆無正式離婚)咁,拍出生活點滴,無迂迴曲折嘅劇情,好寫實

亞媽好堅毅,堅強,偉大,性格風趣,有d鬼馬; 而亞仔就好孝順...........呢d全部用生活片段意會出來.........所以眼淚就不知不覺咁滲出來,勒都勒唔住............好溫情