2007年12月11日 星期二

mad detective - 神探



上星期6 (dec 8, 07),去了看神探,幸好blog友maximus brief咗1個指引去睇 - 心中有鬼,咁我先無比導演左搖右擺的多重人物角色fling甩

故事講2名警員到樹林追1個南亞裔男子(偷坑渠蓋),結果1名警員王國柱(李國麟飾)連人帶槍失蹤,另1名警員高志偉(林家棟飾)平安而回,失槍卻接連牽涉不同的搶劫謀殺案

重案組督察何家安(安子杰飾)受命調查此案多月毫無進展,何家安決定找舊上司,已退職的陳桂彬(劉青雲飾)請教

陳桂彬是破案天才,因佢睇得穿每個人心底裡的鬼/自己/心魔,查案有自己1手,只要代入受害者角色,模擬事發經過,就可以斷定真兇,因自切1隻耳仔給退休的警司,被認定患上精神病而被退職

陳桂彬好快認定高志偉喺兇手,仲見到佢有7隻鬼,連陳桂彬都覺得佢好複雜,好危險,但就要調查1吓個動機同搜集証據。副線講佢點樣保護內心還好稚嫩的何家安,同佢自己的心魔。最終佢賠上了自己條命成功保到何家安,但就阻止唔到何家安遣生到第1隻鬼...........



後記

先講吓個故事,情節唔算出人意表,可能1開始已鎖定咗個真兇,只欠supportings去fill up番個邏輯。但個表達手法就好有風格,1隻鬼就用上1個演員去演,而林家棟因為有7隻鬼,所以分別有劉錦玲,張兆輝,林雪...........等輪流出鏡,但都喺代表緊林家棟。最初劉青雲個老婆林熙蕾原來是幻想/心裡投射出來,之後在差館1個甘草演員,又浮咗個女人出嚟.........睇到你都有d性格分裂,但就令我好想快d到結局,咁先知劉青雲喺套戲度喺精神分裂定真喺咁堅...........答案當然喺後者啦

劉青雲做得好稱職,安子杰我就對佢陌生d,但都做得出心中嗰種怯懼............

感受到人經過每次困境/身邊的魔鬼影響都有機會令自己改變,就好似幼蟲破而出咁,會變成點,無人可以預知,可能會生咗1隻鬼,遇上更多困境,就可能變多幾隻出嚟,就好似劉青雲同老婆分開之後,就留住1隻老婆善良嗰面的鬼; 林家棟就有7隻咁多; 而安子杰就由14,5嵗的細膽少年,遇上了好似林家棟失槍嘅事件,變到最尾變咗質,身邊多咗隻女鬼(有佢女朋友自私嘅特質),佢個演變有機會喺下1個林家棟

從林家棟個角色令我聯想到魔鬼警察徐步高,佢可能好似戲中嘅林家棟咁,攞咗同僚支配槍去犯案,殺人,背後個心理成長可能喺有好幾隻鬼在支配緊佢

而有1幕講安子杰潛入劉青雲屋企,發現間房貼滿大量未破案的剪報,覺得好似a beautiful mind內jennifer connelly搵到russell crowe個數學workings房

回到家都有繼續想劉青雲切隻耳出嚟送比1哥代表d咩,個人睇法喺代表最高度嘅表揚同尊敬。1個爬到咁高位嘅1哥,當中1定遇上好多困難同d魔鬼引誘,但劉青雲在佢身上搵唔到有鬼,咁難得佢仲保得住真我,無變質,於是劉青雲就送咗佢自己身體嘅1部份出嚟

好期望有外國大導演會改編成外語version因好似精神/性格分裂,擬幻擬真呢d題材在外國市場應該好受落,好似fight club, vanilla sky, pan's labyrinth, a beautiful mind...............而且d角色仲可以有好多發揮機會

10 則留言:

  1. 但仲係唔明点解要切耳仔送比上司囉,代表乜呢? 同切第樣意義上有乜唔同呢?
    另外完場果幕我到而家都想唔通何家安点作個鎗戰嘅合理解釋甩身,妳呢?

    回覆刪除
  2. 切耳仔就好似梵高一樣,佢就對他的女友表示純高愛意,咁就切o左隻耳仔俾佢 而劉青雲切耳仔係因為佢見唔到以前上司係有鬼的,所以正如你所說,咁就切啦

    回覆刪除
  3. 點解睇前唔了解下故事先呢? magazine 都有講background, 唔駛呆....
    仲有van Gough 本身係有精神問題, 所以不能用常人心態去理解
    若你明白佢諗?則你都有問題啦!!@@@

    回覆刪除
  4. 我老婆開塲冇幾耐就同我講:「睇黎〝神探〞只係簡稱,原名應該係〝神經警探〞!」,果然利害

    回覆刪除
  5. 所以千其唔好話人傻呀! 你睇Silence of the Lamb及真人版林過雲都係insane, but real smart. 因為通常呢D人都可以好focus on 某方面嘅development

    回覆刪除
  6. 係囉,好似jj Focus 係食果方面咁………

    回覆刪除
  7. 真係得意啦, 佢近呢2年呢先係gum, 老咗先顛, 真可憐!
    今日食咗藥未呀??!!

    回覆刪除
  8. 果然病重!
    另外,個兩句唔係對白,真係唐伯虎首" 桃花庵歌"入面其中兩句黎架。

    回覆刪除
  9. 真係寧願睇唔穿, 否則變同類!!##
    不如搵護士朋友攞藥, 可能"便"D

    回覆刪除