bee movie (can version) - 蜜蜂電影

dec 22, 07來看

故事講barry剛畢業,正迷茫住將來做咩工因佢哋個民族興1人做死1份工,在次偶然嘅機會,佢跟咗飛行特工組出去外面採花蜜同花粉,世界見識過並認識咗開花店嘅vanessa

barry想做嘅嘢同心態,都有不別於1般蜜蜂.。之後為咗爭回蜜糖的產權,同人類打官司,雖然成功攞番d蜜糖,但就影响成個生態,而且d蜜蜂亦攪到無工開。barry最後連同多方好友的協助下,將d花粉播向成個city,令生機再現



後記

呢齣卡通片個故事都幾豐富同有創意。豐富在於有蜜蜂與蜜蜂之間+蜜蜂同人類之間的層面,1隻有自我思想嘅蜜蜂仔,不斷摸索將來要做份咩工好,之後好有創意咁同人類玩爭產, 贏咗官司,但原來1連串嘅後果好似骨牌咁,影響到生態鏈,變成lose lose局面,了解到自己做錯咗之後,barry+1眾蜂友+vanessa携手全力補救

全片主要用來讚揚蜜蜂勤勞不懈嘅性格同從蜜蜂個角度去推翻人類對佢哋嘅誤解。佢哋嘅存在有助保持生態平衡,但人類(包括我自己)往往見到蜜蜂都會覺得佢哋好侵略性,想打死佢,其實佢哋見到我哋都可能好似套卡通片嘅情景咁,誤闖入我哋嘅範圍,1樣咁驚,佢哋都好想快d走。佢哋唔喺咁易出針”吉”人因咁樣佢哋要賠上性命。

中間亦有不少攪笑位,可能我睇粵語版,所以對白好抵死。今個聖誕檔期絶對啱合家大細嚟睇