2012年10月25日 星期四

豐園韓國料理@尖沙咀 - 愉快生日局

豐園韓國料理

地址 : 尖沙咀金巴利道75號地下
電話 : 2721 9288
消費 : 詳情如下
整體評價 : good


oct 9, 12..........9人來dinner...........叫咗 :

1) 前菜 (免費)
-有好多款前菜,有唔辣同小辣,無10分辣嘅前菜
-最喜歡喺個薯仔,綠色菜同豆


2) 韓式太卷 x 2 (@hk$108)
-我第1次食韓式嘅壽司
-包得結實
-有蛋,有醃蘿蔔,有紅蘿蔔,有豬肉,綠色等
-不濃味,不過有咁多材料,味道都唔會淡茂茂


3) 秘製新鮮豬手 (hk$298)
-之前在別的韓國館子食過韓式豬手...........不過又"鞋"又無味
-呢度嘅豬手外皮軟,重骨膠原,有點黏口,亦是帶甜嘅調味,肉juicy,唔"鞋"
另外個醬都好惹味
-配料有好多,有生菜,basil,生蒜片,紅蘿蔔條,青瓜條同青椒條
-我當然揀咗最溫和嗰幾隻包嚟食啦
-再蘸個汁,好美味
-因為豬手份量頗多,所以包咗1個之後...........我就淨食豬手

 
4) 韓式生牛肉 (hk$168)
-韓國菜嘅名物
-有生蛋,牛肉條,雪梨條同蒜絲
-雪梨清甜,帶點爽口,牛肉亦嫩
-混均後1啖放入口,很不錯
-不過個人唔敢食太多



5) 醉大閘蟹
-用上大閘蟹,用酒同調味料生醃咗幾日
-多膏
-不過個人對任何生蟹麻麻,所以只喺淺嚐
-調味同酒份量可以重手d,現在淡咗少少



6) 燉牛肋骨 (hk$140)
-呢個喺我嘅期等,因我還在找尋更好味嘅炆牛肋骨
-上枱時熱氣澎湃,令煲內嘅汁滾動得好勁,不過我影唔到個效果出嚟
-除咗牛肋骨外,仲有白蘿蔔,紅蘿蔔同蔥段等
-牛肋骨顏色夠深,先食為快,肉腍,肉質還在,很鬆,濃牛味,醬汁又入味,喜歡甜甜的醬油味,10分good
-白蘿蔔又腍又入味又無肋,略嫌切得細咗d
-個汁"杰"身,濃味,亦偏甜,所以最底嘅牛肋骨就會過甜咗少少
-呢個價$$$$比其他館子平
-不過整體這個牛肋骨好好味,我成功搵到更好味嘅炆牛肋骨了


7) 辣雜錦冷麵 (hk$108)
-撈均之後成碗變得紅噹噹
-這個都幾辣吓,所以只喺淺嚐
-麵喺腍身嗰款
-其他配料都喺蔬菜



8) 韓式餃子
-呢個喺off menu,喺老闆娘包的,咁啱佢有時間可以預先包好,很難得
-個皮薄得嚟有韌性,包得又漲又滿,個口亦收得好好,無餡漏到出嚟,淥完出嚟還很完整,好靚
-個餡有韮王,大白菜,豬肉等,很香韮王味(無韮菜咁濃味),材料亦唔乾/過濕

9) 辣海鮮窩 (hk$438)
-很大窩,有8爪魚,帶子,蝦,蟹,蜆,金菇,豆腐,菜等
-已調到小辣
-上枱時已鮮味撲鼻,最重點喺個湯,滿有鮮味同甜味,辣度我還可以接受到
-因為喺喺慢火滾住佢,所以沒有變成濃湯
-之後再+番d湯,淥埋個淨辛辣麵

 
10) 泡菜煎餅 (hk$125)
-食到呢度大家都好飽吓
-全件都喺軟身,因無其他材料,所以口感上單調咗d

 
11) 辛辣麵
-諗住大家都咁飽,會食唔落呢個麵
-但每人分少少,又清碟喎
-略嫌個麵已淥熟咗先上枱,所以已軟身咗,之後我哋+埋落窩海鮮煲內再煮,唔會有al dente嘅口感
-辛辣麵本身並唔辛辣,但因為海鮮湯底味濃又鮮,所以當然好味啦

 
12) 豆沙煎餅 (送)
-呢個食友以前食過好味,雖然好飽,大家都要share嚟食
-很中式煎糯米糍feel
-夠熱,個皮很軟,少煙韌,豆沙甜度適中
-果然不錯,若不是太飽,我1定包辦到1個




後記
1) 多謝食友邀請同請客+自家製蛋糕...........期待join佢哋下次嘅生日局


2) 因為攪手同店方相熟.............所以可以有off menu菜色安排

3) 食友帶來酒同手信小食..............好飲又好味






點樣去???
1) mtr尖沙咀站 b2出口

2) 向右手面前行



3) 向前行


4) 直至去到金巴利道...........轉右向前行


5) 向前行


6) 向前行...........過埋呢條天文臺道...........前面中段就喺



沒有留言:

張貼留言