六福菜館@西貢 - 海鮮新領域

六福菜館

地址 : 西貢市場街49號

電話 : 2792 9966
消費 : $260/head (ie total $11,180)
整體評價 : good

食友攪咗個大局,mar 26 10,43人嚟食,攪手為大家搜羅同安排咗 :

1) 鹽水雞腳 x 2

-入味,又無腍晒

2) 炒虎皮椒

-身旁嘅食友先食,原來唔喺青椒,喺好辣的,食友教我推開d籽食就會-辣好多
-所以揀來無籽的1舊來食,惹味中有少辣

3) 椒鹽豆腐

-個椒鹽皮好薄,又平均,又乾爽
-但又無影響到裡面嘅豆腐,佢仲好似好水潤嫩滑

4) 白灼3式鏍

-攪手親自過來介紹有邊3種鏍,好似有種叫大眼鏍,我食完飯之後又唔記得咗lu~~~~
-當小食,ok啦

5) 油泡墨魚

-軟中有彈性

6) 油鹽水浸蜆

-1向好鍾意花甲嘅我,當然好鍾意呢碟啦,尤其佢做得咁好
-個肉啱啱熟,所以好鮮嫩
-其次個粉絲底同湯都好鮮味

7) 蜜糖欖菜豬肉

-多謝食友幫忙剪開佢,咁大家先夠分
-肉質鬆化

8) 客家炆豬腩肉

-個南乳汁好惹味

9) 蛋白煎涼瓜 x 2

-以煎蛋白為主,涼瓜絲份量不多
-所以苦甘味不強,反而最出喺蛋白邊嘅香口

10) 豉椒炒蟶子

-豉椒汁永遠惹味
-蟶子新鮮有彈性,也鮮

11) 蒸鮮馬友

-難得食到新鮮貨
-魚味濃得嚟又唔腥,肉又嫩,無蒸老到
-佢本身原來自己有鹹味,唔洗醃過
-很受大家歡迎

12) 蛋白蒸蟹

-隻蟹好大隻
-多謝食友為大家將鉗拆肉
-食友"匹"咗1/2份蓋,我就take up埋餘下嘅1/2
-d汁好鮮味,肉也鮮
-如果+埋花雕去蒸,仲好味呢~~~

13) 椒鹽瀨尿蝦

-唔大隻,食咗2截
-鮮甜

14) 蛋白炒飯

-好乾身,粒粒分明
-因為用料清淡,主要食其炒飯嘅香氣

15) 椒鹽鮑魚

-大家1知道鮑魚用椒鹽方式煮,都覺得好奇怪,因未見過會咁煮,會唔會令到鮑魚"un"晒
-因為size無咁啱全部1樣,所以細隻可以食2隻,大隻食1隻
-我揀咗大的
-外面椒鹽微薄,但就帶來1種惹味
-而且個肉仲好似蒸咁,又腍,唔老,又富有彈性,好厚肉呢,所以好有口感
-見食友喺fb上寫,鮑魚都喺先蒸,後椒鹽的,並非由生炒到熟,唔怪之得肉質可以保持得咁好啦

16) 豉油皇炒麵

-挺身,又唔油

17) 桂花糕

-ok啦

18) 水果盤

-正常

後記

1) 多謝攪手勞心勞力為大家去買海鮮料同安排,原來挑戰甚大..........嗰幾日咁啱大浪,漁民出不到海打魚,所以魚穫甚少...........故呢餐連出名嘅魚湯也欠奉...........又要考慮數量夠唔夠3枱人食.........否則都要白白放棄,免得1枱有得食,另外2枱無得食

2) 當晚飲咗2款白杯,之後就飲咗呢枝甜酒...........估唔到提子都有種經發酵後會變得好有荔枝嘅果甜味,有點shandy嘅影子...........食友見我鍾意呢種味,就教我記住呢種叫moscato d'asti嘅提子品種...........而且酒精度只喺5%..........好得意,佢教我由貴價貨開始試嚟飲.........因為就算好頂級都喺$1xx多元1枝............之後就試吓幾10蚊嘅貨式...........睇吓自己可以接受到咩價位嘅moscato

3) 當晚有人生日.......祝佢生日快樂,身體健康...........叨食友嘅光,又可以食到1片cake...........分餅高手仲可以將呢個cake分成40份(佢真喺有部署過先落刀).........果然專業

4) 呢度嘅+工費都唔貴,海鮮都喺食友喺外邊買好嚟整..........不錯的1間米芝蓮海鮮店~~~