我並唔喺想做韋漢娜為港爭光..........只喺由2006年開始自學..........至今都喺在呼吸上(蛙蛙式)有d問題,游完1個堂 (大約45m)之後,就氣喘如牛..........慘過人哋游10個轉..........咁我就知道我嘅姿勢1定有唔妥...........既然游得如此水皮,我就唔敢去高過我嘅水域游............海灘我仲驚,因變數太多
最近比我察覺到問題喺邊..........就喺過度用力鎖緊腰部肌肉........所以我宜家喺未需要浮上水面時,我就警惕自己放鬆條腰嚟游............甚至手腳動作完成後,就成1字咁喺水面飄浮吓先...............
終於喺jul 11, 09,我就第1次落咗大池(50m, 唔到地)去試吓..........好戰戰兢兢睇吓揀最左邊定最右邊游好呢..........都喺安全為上,有咩"衣郁",都可以抓住旁邊嘅坑位
初步成功..........游咗大約45分鐘...........只喺飲咗2次水(但唔洗停落嚟)..............好滿意,比自己預期時間早攪掂............下1步就喺研習點樣去水..............因我游1吓都只喺"郁"前唔多...........
後記
1) 嗰日早上...........喺大池游游吓之際,發現有對>45嵗嘅couple企咗喺1邊鬧意見.........基本上喺個老婆"炸"個老公型..............起因喺個老公無點理個老婆自己游..........老婆就怪佢當1游埋嚟時...........佢就游咗去..........."咁同唔同你1齊有咩分別啫.......我宜家好唔滿意........我唔喺第1次講......."............"上次去黃山又喺咁自己行咗去先,之後就同其他團友傾計........我全程都喺自己1個人行..............."。
我聽到連以前嘅嘢都掘出嚟講..........我就上水...........去過另1邊游,算把喇,怕咗佢,當比番d空間大家..............雖然個老婆喺有point.........但我唔想喺我relax緊/ self training嘅時候受到不必要嘅煩擾
2) 又有1次就見到1對15多嵗左右嘅情侶...........喺度鴛鴦戲水..........要調情就行開d啦..........都唔理人感受嘅~~~~~~
3) 由我開始自學游水時..........喺找朋友來教吓..........反而真喺提點我嘅,喺我唔多相識嘅泳客(因見我游得太用力,好似遇溺咁,hahaha)/ 團友(叫我1吓手,1吓腳咁游,唔好急)
你好叻呀!! 我曾經一度都識游水, 游到一個堂, 但N年冇游後上年confirmed forgotten, 哈哈
回覆刪除手腳放鬆relax黎游... 加油!!!
回覆刪除加油!
回覆刪除講得無錯，蛙式係一下手，一下腳；但聽過游泳導師講，重要係雙手在水中劃心形圖案。 當手在水中作合掌之勢向前伸時候，頭部就順勢埋到水裡並呼氣；此時手掌放平向兩邊分開，劃上心形頂端兩個半圓ge時候，手掌稍為向下壓水，頭部就順勢向上伸出水面用力吸氣；吸完氣手掌剛好又合掌向前伸，頭埋到水裡呼氣……繼續游……唔好停！ 好多人都以為蛙式真係好似青蛙咁，前後腳一齊撥，其實係錯ge！ 好耐之前我都係游到就要斷氣咁滯都游唔到一個塘，但見身邊阿婆就游完一個塘又一個，好似無乜事，滋游淡定。請教阿婆，阿婆話只要放鬆，慢慢黎，一下手一下腳，唔使急，又唔係比賽。於是我幾乎每日上班前都游，一個塘游完就試下繼續一個，最高紀錄係廿二個連續。通常每次熱身完落水，游十個塘上水，其間無停。 游泳基本上係個人運動，一落水就自己游，果個阿嬸怪個老公都無謂，傾計不如上岸慢慢傾，我都唔知點樣一路游一路傾，點樣叫陪人游水。鴛鴦戲水都係o向池邊，都唔會一路游一路戲水啦！ 妳…繼續努力！
回覆刪除食幾隻田雞睇下有冇幫助啦!
回覆刪除