紹華小廚@筲箕灣 - 還是做回中菜吧!

紹華小廚

地址 : 筲箕灣愛秩序灣愛東邨熟食中心CF3店
電話 : 8199 8188
消費 : 詳情如下
純個人評價 : fair與good之間

2 visits
dec 01 & 12, 13.......第1次lunch嚟本來想食煲仔飯...........點知原來dinner先有煲仔飯食...........所以唯有嚟第2次啦..........共叫咗 :

1) 雞絲冬陰功湯金邊粉餐 (hk$33+$2)
-睇個樣好1般咁,所以無試到
-無聽友人話好食
-友人叫了凍飲...........所以要+$2

2) 泰式海南雞飯餐 x 2 (@hk$33+$2)
-我試咗友人1啖飯食,味道是有的,但印象不太深
-同樣凍飲+$2

3) 香葉辣豬肉碎炒飯餐 (hk$33)
-亞姐建議我叫呢個飯..........但我話呢個飯............應該辣到飛起架喎!
-亞姐拍晒心口..........叫我信佢唔辣嘅
-份量都大碟
-ok.........入到口就知lai嘢...........都幾"興"吓...........幸好辣味嘅持久力弱咋
-其實喺我信亞姐之前..........我應該問佢食唔食得辣先..........而唔喺亂咁跟........hahaha~~~~
-飯都叫粒粒分明........油份中等,所以唔可以叫乾爽
-料唔多.........不過要讚喺嗰份鑊氣香味
-除咗杯熱飲外...........送埋碗中湯添

4) 泰式炒金邊粉餐 (hk$33)
-同樣大大碟
-有豬肉,芽菜,蛋絲,花生碎等
-味道帶甜..........ok啦.............但呢碟就少咗嗰份鑊氣香
-跟咗1碗冬陰功湯.......我試咗1啖...........味道喺濃,酸酸辣辣咁.........但辣味唔重手.......而且成碗得水,咩湯料都無

5) 枝竹羊腩煲-細 (hk$128)
-呢個比想像中細窩
-伴以1碟生菜,1碗白飯同1兜腐乳
-個汁好濃味......1d都唔"希流"..........仲+有甘蔗去淆
-羊肉入晒味.....又腍又嫩滑......所以我都唔需要再蘸腐乳...........唯獨切得細件咗d.........有點碎濕濕feel.......所以做唔入口大啖肉嘅享受
-除咗主角外.........仲有厚身鮮冬菇, 馬蹄,枝竹 (有口感,唔喺腍晒)
-味道喺不錯的.......可惜貴咗d,份量又少咗d~~~~唔抵食

6) 蒜香牛頸脊煲仔飯+臘腸 (hk$60+$5)
-先送來碗例湯.........味道好清甜
-友人嗰碗多料d.........可以見到除咗有肉外,仲有粟米,紅棗,紅蘿蔔等
-飲完又唔覺得口渴
-之後我期待嘅主角嚟啦..........我舊年好似無食過煲仔飯.........今年喺第1次食
-店員先打開+點豉油.............之後話如想食多d飯焦............就要焗>2 mins
-到時間打開個蓋............熱氣4散.........好香
-牛頸脊肉腍,有點肉質..........但牛味唔強..........唔緊要..........反正我focus個飯,飯焦同臘腸啫
-個飯的確有陣溫和嘅焦香味.......坊間都好少食到了
-平時我好少食臘腸,除非喺配糯米飯/ 煲仔飯啦~~~~呢條臘腸唔多脂肪粒,甜度適中........都ok喎~~~~

7) 荔芋肉碎煲仔飯+膶腸  (hk$60+$5)
-個荔芋竟然好似雪糕咁1球球........賣相好可愛又突出
-其實膶腸先喺我嘅至愛
-雖然芋球有點乾身........清清哋芋泥夾埋個潤腸同肉碎飯同食.........10分美味..........當然個芋味濃d更佳啦
-d飯同樣有份焦香味
-我個人最鍾意呢個
-食到最後........努力的刮呀刮..........享受埋脆硬身嘅飯焦

8) 蝦醬肉眼根煲仔飯 (hk$60)
-當晚大家都好好胃口.........就叫多個煲仔飯食
-這個組合很有新鮮感,所以叫來1試
-不過呢個有點lai嘢.........因為個肉眼根醃得太耐/重手.........過甜,亦過鹹 (幾出蝦醬味)..........顏色又過深
-side咗肉睇根嘅小爽口感
-反而食完呢個,我覺得好需要飲水
-其實呢個只要調味輕手d.........就可以喺1個出色有特色嘅煲仔飯

後記
1)  熟食中心環境..........很乾淨企理

2) 呢個熟食中心..........只有2間食肆............除咗佢之外............仲有1間做泰國嘢............無諗過紹華擺明食中式..........都會攪埋泰式系列嘅lunch.............落完單.........望真d個餐牌.........我就如夢初醒..........對我呢個新嚟嘅幪炳嚟講............就比佢呃到..........1次咁多啦

其實大家market segment都咁唔同 (1中1泰)...........無需咁樣追擊對家搶客鴉............個人覺得太霸道 (除非呢間泰國嘢未開前...........佢嘅泰式系列已存在啦)........出嚟嘅味道又普通喎........反得自暴其短之效~~~

3) 我見隔離枱嘅小炒同炒菜.........都幾似樣咁架..........所以何不專注做回自己強項嘅中菜呢?

4) 友人話呢度前排上咗頭條 (免費早報)..........每到weekend...........6pm都已經搵唔到位~~~~


點樣去???
1) mtr筲箕灣站 d2出口

2) 向前行.............過咗呢條大斑馬線.............前面公園後面嗰座就喺