華嫂冰室@元朗 - 趁放假密密嚟

華嫂冰室

地址 : 元朗屏山坑頭村49號
電話 : 2617 2232
營業時間 : mon-sat : 8am - 5pm w/lunch break; sun closed
消費 : 詳情如下
整體評價 : good


4 visits
知道呢度好出名..........不過又唔識去,兼且weekend時要勁排............趁住jan, 13放大假........可以連續嚟多次..........(有d好似嚟返工咁.........佢可能以為我新搬嚟........hehe)..........試吓佢嘅招牌嘢.............共叫咗 :

1) 招牌芝士咸牛肉蛋朱仔包 (hk$15)
-等咗好1陣
-入口暖熱,個包外表小脆.裡面仍很鬆軟
-有芝士,已1/2溶,咸牛肉,煎蛋
-咸牛肉比較軟身,唔乾實,略嫌個煎蛋熟咗少少,蛋汁無嘜
-不過有咁多熱餡,又juicy,味道自然美味豐富,不錯




2) 芫茜皮蛋牛肉片頭米粉 (hk$21+8+7)
-佢有4款特色湯底,今次揀咗芫茜皮蛋,要+hk$8
-再+多個餸 (+hk7)
-個芫茜皮蛋湯底很足料,原味,自然,調味輕手,好有芫茜香,好飲
-雖然皮蛋有松花,但amonia味都唔輕,只喺呢點唔好
-個牛肉粉嫩,有點牛味,兼有醃過 (調味都同樣唔重手),有肉質,不過要快食,否則去到後段,牛肉比湯浸耐咗,就會變成overcook,變得小"un"
-片頭就少咗d,得2舊,但彈口,有質素



3) 番茄豬扒米線 (hk$21+8)
-我喺番茄粉絲,所以唔會錯過番茄湯底啦
-入口好多番茄蓉,微"杰",所以相信用咗好多番茄去煮
-而且味道好原味,食到多靠番茄自己嘅味道,只得少少鹹味,甜味都無嘜,因為呢批番茄無甜味,只食到自然嘅番茄酸味,所以有點乏味,呢個湯底比芫茜皮蛋失色好多
-唔緊要豬扒都喺呢度嘅招牌
-煎得幾靚,肉質鬆,juicy,嫩,亦有調味過,幾有住家風味


4) 招牌菠蘿包 (hk$13)
-我自己唔鍾意食菠蘿包,但見喺招牌,都要試吓
-其實喺強勁版菠蘿油
-有片很厚嘅牛油,煎蛋,番茄片
-個包的確烘到個菠蘿面好乾脆,1路咬,1路跌
-今次裡面隻蛋就多蛋汁d,蛋新鮮煎好,熱力令塊牛油慢慢溶掉,即時令成個麵包充滿油香,中途更有部份滴在牛油紙上
-牛油先喺成個招牌菠蘿包嘅trigger point/藥引,幫到個包產生化學作用


5) 招牌碎蛋沙律多士 (hk$16)
-食埋呢個招牌多士先
-個包真喺烘得顏色好靚,咁金黃色,當然好鬆脆啦
-佢個碎蛋沙律很特別的上下都有塗,中間就放咗生菜片,番茄片同火腿
-味道上喺1份好足料嘅多士,相對哋味道清淡d


6) 熱好立克 (hk$11)

7) 熱檸水 (hk$11)

後記

1) 店內環境


2) 營業時間

3) 呢度所有order都喺即叫即做..........所以落咗order都要等上1x分鐘先有

4) 呢道就算喺閒日早上都要等5-10分鐘先有位...........所以我明白點解sat要排成個鐘...........如果有機會再嚟...........我會試吓佢個豬扒菠蘿包..........見人哋個honey mustard醬好似好好味

5) 第1次嚟時,真喺失禮.............落完order.........先發現我唔記得將紙幣放入散紙包 (嗰日輕便裝束,只帶咗散紙包+8達loan)............嚇到我幾驚,同店員申報咗之後 (佢叫我同華嫂講)............好彩個散紙包都夠$$$$比呢餐咋........唔喺人哋以為我嚟食霸王餐...........攪到我之後每次嚟華嫂,我都望吓有無$$$$先

6) 食完仲可以去隔離嘅鄧氏宗祠行吓

點樣去???

1) 坐輕鐵坑尾村站


2) 向元朗方向呢邊前行

3) 沿住呢條直路前行

4) 落樓梯

5) 沿住呢個街邊車場向前行


6) 剛好去到村口,左手面就會見到個靚靚公厠............向左轉前行

7) 前行

8) 前面左邊嗰間綠色村屋就喺