地址 : 中環雲咸街33號LKF Tower 閣樓
電話 : 3579 2929
消費 : $325/head (ie total $655)
整體評價 : good
1) 俄羅斯牛尾湯
-因waiter知道我哋喺share嚟食,以下張相已經喺1/2份(所以份量都幾大)........佢哋真細心呢,仲提埋我哋最好將湯內嘅忌廉攪均先飲
-見到佢紅卜卜,諗住會好酸,但又唔喺喎.......只喺好天然嘅番茄酸味(相信用咗唔少新鮮番茄)........之後就喺食到蔬菜嘅甜味
-裡面嘅蔬菜配料(有番茄,紅蘿蔔,薯仔同椰菜)都切到有件頭,唔喺煲到溶咗/食到蓉.......所以有得飲有得咬吓
-另外亦有2舊左右小牛尾...........好腍,好嫩滑,只可惜喺少d啫
-味道無想像中咁濃味,因唔喺好牛,反而蔬菜嘅甜酸味更為突出
-最特別喺伴以1隻肥大嘅木湯羮比你飲
2) 椰菜卷焗芝士蘑菇
-另1重量級........無諗過咁大件,又漲,每件都大過1包長形紙巾,墊在新鮮番茄蓉上
-個椰菜皮好大塊,好清甜,裡面stuff滿菇粒,亦帶少少melted芝士,如果多d芝士會令個卷惹味d
3) lobster & fish pie
-用個魚形碟藏住
-個份量都唔細......酥皮好鬆亦唔厚.......呢方面做得唔錯
-已經無咗有食家之前食過嘅銀鱈魚釀飯批.........改由呢味迷你龍蝦銀鱈魚酥取代
-問過侍應個分別喺個皮唔同咗,而且以前嗰個伴以好似少少3文魚-用個魚形碟藏住
-個份量都唔細......酥皮好鬆亦唔厚.......呢方面做得唔錯
-裡面嘅銀鱈魚亦好大舊,好滑
-龍蝦仔就小小鮮味唔啦,唔多突出
-但個人覺得呢碟好似乾身咗少少因為個餡真喺無醬汁,而2個主角都唔會產生出juicy嘅汁料來,單靠碟底嘅少少醬汁唔喺太幫到手
-如果調節吓個餡,+番d濕潤嘅原素,可以好好多........無謂"side"咗咁有水準嘅酥皮
4) minced lamb shashlik
-安排咗呢道菜最後先上.........其實我哋已經好飽啦...........
-好在得3球咋........唔喺都真喺反眼都有份,hahahaha
-食串燒好似睇表演咁.......差唔多枱枱都有叫(佢都有5-7款選擇)
-侍應會先用鐵羮敲吓個pan邊.......咁全餐廳嘅客人都會知道就快會有點火儀式,之後會問我影唔影相............hahaha當然唔會錯過啦..........
-時間短促,只捕捉到2張,不過第1張淨喺影到火海熊熊兼out focus,所以就post呢張尾段嘅餘火
-好,講番個免治羊肉球先...........
-都幾結實,足料.......而且真喺幾有羊味,對我嚟講唔算強烈,我就覺得調味鹹咗少少,但友人就唔覺
-伴以3款sauces - 肉汁(但無嘜味), 薄荷啫喱(我最鍾意呢個因帶d甜甜哋.......順便可以中和吓個鹹味)同英式芥辣
-食到中段,友人問我食唔食甜品............我話唔得啦,仲比佢串我咩唔喺有另1個胃食甜品架咩.............hahaha
5) russian pudding
-侍應建議比個甜品餐牌.........友人立即話唔洗(因我之前嘅表態)
-侍應好醒目,即刻話"睇吓先丫"
-我嘅典型香港人心態又嚟喇............唔買都睇吓,所以我即刻補飛........."好鴉,睇吓都好押"
-我同友人講 : "唔食睇吓都好格............不過可能我睇睇吓就會叫架啦~~~~ hahahaha"........友人好大方(因呢餐喺佢請客),話只要我佔大份就無所謂
-我都幾了解自己..........可能串燒後吹咗陣水.........又騰出"胃"置來
-問清楚咗個侍應有幾大件先叫,因之前嘅菜式都好有份量
-好似個小城堡,由自家製嘅手指條(薄,鬆同好有蛋味)圍住.........而個pudding就似特濃奶味mousse多d(不過友人就略嫌奶味重咗d,我就好like喇),無1/2點魚膠粉嘅跡象因好軟滑,全無彈性口感
後記
2) 店內setting
3) 同場有2個俄羅斯人彈嘢同唱歌,唔會好嘈.........原來林子祥嘅美麗小姑娘喺源自俄羅斯歌。間唔中waiter們都會幫手拍吓手攪吓氣氛..........只可惜當日唔多客,而我哋又唔喺1大班人嚟......所以無同佢哋打拍子
4) 全晚嘅高潮就喺入咗呢個-20度嘅冰房........第1個round無著到fur coat(我自己已著住長褸),寒氣直迫入嚟,所以出嚟著番件先............
-裡面有個柜藏咗好多枝vodka
-有能耐嘅話,可以喺度飲vodka同hea........不過我幾分鐘就已經夠皮啦~~~叫做感受過就得喇.........寒都你成個人精神晒..........出咗嚟之後我就傻笑.......爽呀hahahaha
5) 其實呢度食物唔算話好好味(勝在大件),不過娛樂度高 - 有live唱俄羅斯歌,有點火, 有冰房.........service好好又窩心(侍應見我哋玩完冰房出番嚟,就斟咗2杯熱水比我哋)........都喺1個好唔錯嘅經歷........值得1試
點樣去???
1) 坐mtr中環站d1出口.............轉右
2) 過咗馬路.........行上呢條雲咸街斜路
3) 見到威靈頓街嘅路牌..........過咗呢條馬路,向藝穗會嘅方向上
4) 向上行........會經過鴻x酒家
5) 去到街口位 (corner有間wooloomxxxx嘅餐廳)........轉右入呢條街
6) 會見到大廈門口..........但唔喺坐lift(因為喺去唔到m層)
7) 向前行無耐,就會見到呢條樓梯.........樓上就喺
沒有留言:
張貼留言