福臨門@灣仔 - 天與地

福臨門

地址 : 灣仔莊士敦道35-45號利文樓地下3號舖

電話 : 2866 0663

消費 : 1st visit - hk$290/head; 2nd visit - hk$610/head
整體評價 : below average-以價$$$$嚟計 (1st visit); impressed (2nd visit)

2 visits

1st visit - 地篇
may 20, 12............6人來食lunch............叫咗 :

1) 龍崗鹹切雞-1/2隻 ($190)
-隻雞嚴重營養不良,好細隻...........皮包骨得好緊要,要去到肶位先見到多d肉...........是否過渡運動所致?..............定喺未到適宰年齡?
-味道同滑度喺無問題..............但就啱喜歡lun骨嘅朋友
-索價唔平,但就交d咁嘅功課.............有膽色.............真喺要like佢1like
-如果我對龍崗鹹雞認識唔夠,而"踐踏"得佢咁盡............真的要賜教,等我改正番~~~~
-這頓lunch嘅頭開得好差



2) 蜜汁叉燒 ($140)

-肉質腍咗些少
-蜜味中等
-可以的,但唔可以叫好

3) 釀焗鮮蟹蓋 x 4 (@hk$160)
-似喺炸多過喺焗出嚟
-蟹肉很多,很滿,很足料,洋蔥只喺配角,亦沒有白汁,所以主角還是蟹肉
-但個濕潤度些微唔多夠,而蟹鮮味亦薄弱
-暫時食過比較啱我個人嘅口味喺尖沙咀嘅欣x軒..............聽過友人提過尖沙咀嘅海x軒都唔錯,有機會要去食吓

4) 筍尖鮮蝦餃 (hk$60)
-蝦餃唔喺我嘅favorite,所以讓比友人食

5) 杬仁馬拉糕 (hk$50)
-呢個喺全個lunch最好味的,死未~~~
-鬆度可以睇得到,而且仲有brown sugar嘅香氣


6) 香芒明蝦筒 (hk$60)
-1般


7) 蟹皇蒸燒賣 (hk$60)
-望落去,個皮被蒸得成好淡嘅黃色............就知喺over steam
-都喺普通


8) 菜遠牛肉炒河 (hk$160)
-很普通

9) 雞粒荔芋角 (hk$60)
-蜂巢表酥鬆
-不過調味好淡口(鹽應該下得好輕手),所以就突出度清清嘅芋味


10) 壽桃麻蓉包 x 2 (@hk$50)
-為咗靚d,所以留咗6個壽桃麻蓉包
-包鬆軟,裡面有好少嘅蛋黃,麻蓉餡有粒粒芝麻,少香,只喺欠咗d甜味啫

後記

1) 呢1餐食到我冒晒汗,搖晒頭................我即刻對食店有2個疑問 : (i) 大劉點解可以當呢度喺飯堂?_? .............(ii) 我6月初再嚟福臨門嘅晚飯局會否如此lai嘢?!

2nd visit - 天篇
jun 06, 12再臨..........5圍人來食dinner............攪手安排咗 :

1) 蜜汁叉燒
-呢碟叉燒無論賣相同肉質都同我上次lunch食到的唔同
-碟底就見到桂花蜜汁,微"杰"身,增+咗叉燒表面嘅蜜味
-外燒到帶點點挺硬,有d真頭焦脆添啦,中間有肉質,無上次咁腍
-咁大碟,大家起碼每人都食到3片
-gd


2) 大紅片皮乳豬
-呢道菜喺全晚焦點所在,我的期待
-主角好有光澤,膚色好tan
-大家影完相之後,侍應拎番隻豬去分個皮比我哋,好有效率.............因好快1碟碟放喺每人嘅前面
-很薄脆,咬落有聲,我就1片蘸沙糖,1片蘸乳豬醬食
-其實最唔失真嘅食法喺配沙糖,因為每塊乳豬皮都會"痴"住些少脂肪,那薄層嘅油份都足以令到成件入口唔乾身,但當然咁食法,就要片豬乳皮有質素先咁做,否則只會暴露其短

-接下來就喺上豬腳仔,揀咗1件多肉嘅肶位
-肉很嫩很嫩,juicy,原味為主

-之後喺肋骨位,喺攪手嘅推介位置,1來喺外面食燒乳豬,通常都會上枱前被除去,所以好少食得到
-2來因為醬汁都會塗到肋骨上,所以會好惹味
-我揀咗1條骨,d骨又薄又軟,無嘜肉,但就附住燒乾了的醬汁,所以很濃乳豬醬的味道同惹味
-really tasty

-最後喺個豬頭............以前我喺唔會掂豬頭..........亦唔喺每間酒家都會上豬頭,1來唔多人鍾意食,2來佢燒乳豬時,未必連個頭都燒出水準
-都喺幾年前1食友教我食豬耳開始.............我會留意個頭
-今次揀咗鼻位附近,骨裡的肉,都夠味喎,仲超級嫩添

-呢隻真喺1隻fab fab fabulous~~~嘅燒乳豬.............咁大個女,喺我食過最好味嘅乳豬,超有水準.............未試過全隻乳豬嘅部位,都上枱serve客
-攪手話,就算佢有1/2隻賣..........都1定要1隻咁叫.............水準先可以keep到

3) 是日老火湯

-原來湯料只喺部份而已...........呢1碟為咗上枱比客仲可以食,所以喺後期先+入湯度煲
-估佢唔到個5花腩勁好食
-佢浸於鯪魚赤小豆粉葛湯裡,又咁有層厚厚地嘅脂肪,所以好嫩滑,入口唔油,甘香,有肉質,豬味中帶少甜,所以最後湯渣內無剩5花腩
-個湯清甜,濃,唔濁

4) 椒鹽田雞腿

-全碟都只喺田雞腿,都算喺大隻

-椒鹽表面薄,脆
-入口主要食到椒鹽味,而田雞嘅肉質有彈性,juicy

5) 碧玉珊瑚

-很多蟹黃
-用咗很粗大嘅蘭度,爽口


6) 牛筋腩煲
-很掂的牛筋腩
-牛筋很粗大,牛腩都大大件,唔喺碎濕濕
-牛筋好腍,難得咁肥大都咁入味,............多口問食友,咁腍嘅牛筋是否因為炆嘅時間夠長............原來腍喺多數會先拎去蒸,後炆.............坊間嘅牛筋會大致有2個styles,1個喺帶點爽,1個就喺腍.............膠質很重,因為只喺食完1條,個嘴好似"痴"咗少少膠水咁
-牛腩同樣好腍,肉質很鬆,好入味,亦很有牛味..............同時間4樣要素都齊備談何容易...........但佢的確做得好漂亮,明顯............1d懷疑都無
-幸好份量不少,所以我同其他食友都可以再encore
-呢道色嘅出色度只喺僅次於碟乳豬



7) 蛋黃8寶鴨
-唔講唔知,原來8寶鴨喺夏天菜,必有材料有蛋黃,蓮子,白果同火腿
-通常個獻汁都幾泛濫吓,所以個人唔會10分鍾意食
-轉到去我度時剩下的都喺大大"舊"肉,我就挾咗個肶
-當然好嫩滑啦
-但黃蛋就無晒lu............所以"匹"咗少少薏米,白果同蓮子食,火腿已被切得好碎
-味道很夠,不錯的


8) 花雕煀大雞
-這個1上枱,已聞到不弱的酒香了
-入口都很香酒味,但又未至於over,唔會苦
-雞肉嫩滑

9) 鮮荷葉飯
-喺枱上轉時,已聞到不弱嘅鮮味
-配料都唔少,有蟹肉,蝦米,鮮蝦粒,瑤柱,肉碎
-相信因為蝦米同瑤柱,所以先有那股鮮味
-雖然話飽話飽,最後都可以食到1碗


10) 蛋黃麻蓉包
-呢個同我上次lunch食到的味道相若............但就有甜味喇
-如果皮薄d更好


11) 豆沙蘋葉角
-食到很出嘅葉香,所以禁不住要問吓呢塊喺咩葉,原來喺蘋婆葉,真的蘋婆樹倒未見過,但俗稱嘅"假蘋婆樹"就喺濕地公園見過
-主角軟糯,豆沙清甜

後記

1) 好少食店嘅出品喺咁短嘅時間內會咁極端............自己嚟lunch嗰轉,真喺普通到嚇死人..............跟攪手嚟dinner,就可以1鳴驚人..............真的令人摸不著頭腦/精神分裂..............點都好,出嚟食飯,都喺希望食有水準,有驚喜嘅嘢..............友人知道我再去晚飯時個水準差異咁大..............就直斥店方擺明搵"生"客笨/暗盤歧視..........只希望我嗰日嘅lunch只喺個別事件~~~~