摩廚麵館@灣仔 - 獨欠湯底到位

摩廚麵館

地址 : 灣仔慶雲街11號地下

電話 : 2915 2261

消費 : $116/head (ie total $580)
整體評價 : fair 與good之間


之前都好想嚟............不過店舖初期唔做晚巿...........後來開始做埋晚巿喇............jun 02, 12............5人來食lunch...........12.30pm只剩番1張2人枱...........等咗15分鐘............叫咗 :

1) 番茄 (hk$38)
-橄欖油,香醋,大蒜,生薑泡車厘茄
-很細心的退去車厘茄外的皮
-所以個汁可以同個車厘茄來個正面接觸
-喺冷盤嚟,個汁喺全個冷盤嘅靈魂,佢真喺調得很平衡,酸中有甜,亦有生蒜嘅辛味,但絶對唔強,唔搶,個車厘茄自己都好有內涵,很爆汁
-很好味嘅starter



2) 鮑魚麵 x 2 (@hk$88)

-香濃响螺雲腿雞湯配吉品鮑魚
-店內嘅湯底得2款,呢款喺雞湯,不過我無試到
-有2隻鮑魚,相對地,呢個幾抵食,因散叫1隻鮑魚都要hk$30

3) 檸檬雞麵 (hk$78)
-香濃响螺雲腿雞湯配橄欖油雞
-碗麵就無影了
-食咗友人1片,1d脂肪都無,大片肉,無骨,位置應喺雞胸
-但佢同平時嘅雞胸好唔同,我懷疑佢似喺用slow cook嘅方式煮,如果唔喺,個肉質點可以咁軟身,同1d"鞋"嘅口感都食唔到
-檸檬味唔強,可以令到個雞肉幾清新
-以雞胸嚟講,這個execute得好有水準

4) 西班牙火腿花雕蛋麵 (hk$88)
-豬骨元貝鯊魚骨香菇湯配花雕蛋及西班牙火腿
-碗麵配豬骨湯,樣子同雞湯的很像,所以無影到了
-好中西合璧嘅配搭,見友人無揀到呢個,所以當然有由嚟試啦...........而且呢個有花雕蛋添
-隻蛋面撒些少海鹽,蛋黃唔算溏心,但很鬆綿,花雕味中等,不錯
-西班牙火腿都好有光澤,軟滑,無筋,鹹鮮味溫和,我就鍾意淨食喇,hahaha
-講番個麵先,中式嘅幼油麵,麵質帶彈,微挺,很gd,難得中式湯麵可以煮出呢個質感
-碗麵除咗有菇同d sprout菜苗,仲有d絲狀植物,好爽口,真喺估唔到佢咁,我初時估喺沙葛,不過友人話唔喺,後來上咗or,見其他食家寫喺薯仔絲同黃心番薯嚟
-不過我對個湯就有少少意見,還可算濃,但調味不夠,過淡,因為個麵本身都無嘜味,好靠個湯嘅味提起佢,不過個湯就發揮唔到呢個功能,所以鹹味唯有靠d主角

5) 豬豚麵 (hk$78)

-豬骨元貝鯊魚骨香菇湯配秘製豬豚肉
--碗麵就無影了
-食咗友人1/2塊豬豚肉,又幾好味喎,望落好似overcook咁,但入口唔鞋喎,仲幾入味添,中間有d脂肪,所以有鬆度,唔會喺1片"實"肉
-友人嘅口味都喜歡食得淡口,佢都兼個湯唔夠鹹味
-所以湯麵嗰part還欠些味道


6) 西班牙火腿 (hk$20)
-為等友人們可以試吓,所以散叫了1客西班牙火腿
-不過2位年長嘅友人就唔多食得慣,佢哋覺得鹹
-於是有1/2都喺由我照顧,hehehe


7) 花雕蛋 (hk$15)
-意見如上


8) 鮑魚 (hk$30)
-散叫1客2人分食
-我食咗2小片
-腍,有彈性,微鮮

後記

1) 多謝友人請食飯

2) 店內環境


3) 選擇唔多............lunch,dinner都喺呢個餐牌

4) 大廚很humble,都有問客人食完之後嘅意見............個人認為廚子嘅煮調技巧喺有的............可能太想出到真味,所以鹹味放得很輕手.........如果豬骨湯底可以有味番d (我無試到雞湯底,所以唔知洗唔洗+番d鹹味)............會頭頭尾尾都好完滿............現有餸又得............麵質又得.............唯獨湯底唔夠味,真喺令到成碗麵好失色............亦好唔抵~~~~~~

點樣去???

1) 灣仔mtr站修頓球場出口

2) 跟住電車向銅鑼灣方向行.............直至去石水渠街

3) 之後沿住呢條小斜路上.........直至去到藍屋同黃屋中間嘅巷..........轉左,中間位就喺

exhibition in pp

之後行咗去pp睇嘢...........剛遇上1個exhibtion...........被其以smile為題嘅pictures吸引