皇之家大姊小籠包@佐敦 - 美食抒緩心情

皇之家大姊小籠包

地址 : 佐敦吳松街122號

電話 : 2755 5090

消費 : $85/head (ie total $340)
整體評價 : impressed (計埋價$$$$因素)

先要好好多謝食友幫手訂位同訂埋我想食嘅菜色........要食友100忙之中攪埋d額外嘢.......真喺lots of appreciation.......jul 09, 10,4人來dinner,叫咗 :

1) 香蔥皮蛋豆腐 (hk$18)

-因為1些事要遲到

-友人們先叫住呢個小食食住先,所以無相睇

-不過佢哋竟然1d都無留比我試吓.....真喺太過份啦.....

-友人仲要話幾好食添~~~~ 

2) 生煎鍋貼 (hk$12/ 2隻)

-友人們都叫埋呢個

-上枱時剛好趕得及來到

-皮唔厚,唔會食到成口粉

-個肉餡都ok

3) 鳳翼飛翔

-相信呢個要預訂先有得食,因睇晒餐牌都無,不過牆上嘅menu我就無睇晒

-第1次食呢個點心

-皮薄,帶點煙韌,最好味就喺中間嘅肉餡,充滿芹香,肉又鬆

-另外隻蝦亦稱職,帶爽之餘,當食到蝦尾嘅部份時,最後1口嘅舌根食到蝦嘅鮮味,呢點真喺難得,因用上了新鮮靚蝦

4) 蘿蔔絲酥餅

-喺我哋圍內嘅食友中,呢個名物佢哋讚不絶口,我1直都好想嚟食

-今日終於食到,好期待嘅1刻

-望落個酥餅都幾好樣喎,層次分明,酥鬆而薄

-比個皮做得更好嘅就喺佢嘅蘿蔔餡,熱呼呼到要小心燙親嘴巴

-明顯的見到1條條嘅蘿蔔絲,又腍又甜,仲要好juicy添,味道不淡

-真喺唔知佢點可以整成咁,懷疑好似灌湯餃咁,+入些少雪成啫喱狀嘅上湯

5) 南翔小籠包 (hk$12/ 2隻)

-佢嘅小籠包又喺我哋圍內食友之中出名多汁,又唔易穿 (sorry張相out focus咗)

-皮薄,頂位嘅皮唔會厚同硬,有韌性,跟據食友嘅測試方法,搖咗幾吓,都無穿

-我小心翼翼將佢放在匙"羮"上,咬開天窗,先吸裡面嘅湯汁,很鮮味

-肉餡正常

6) 蜜汁火肪

-火腿鹹味剛好,不過鹹香味不重

-味甜本來就喺呢度菜嘅本質,但就未去到清甜

-連埋麵包夾住食,呢個麵包好大塊,完全可以將火腿收得好好,但略嫌個麵包體積大了點,搶了火腿嘅鏡

-全碟最出色反而喺墊底嘅蓮子,份量真喺好多,又鬆化,好有質素

7) 醉雞 (hk$28)

-皮的確爽,但如果酒味能入味點就好好多

 

後記

1) 再1次多謝食友嘅打點...........呢度都幾多人,所以不時見到有人排隊

2) 因為人數太少,所以訂唔到涼卷作為甜品 

3) 心情本來很不快+frustrate,幸好1早約有呢個局,借助美食,+埋同朋友天南地北,分散了心中嘅鬱結............因唔好阻住人做生意.........我哋之後再搵地方飲嘢.......嗰晚好彩有友人們陪伴.........否則會是相當難過嘅晚上~~~~