滿福樓@灣仔 - 多謝安排

滿福樓

地址 : 灣仔港灣道1號萬麗海景酒店3樓

電話 : 2584 6971

消費 : $490/head

整體評價 : good 

mar 23, 11, 4圍人嚟dinner,攪手為大家安排咗 :

1) 冰鎮白靈菇 

-已好肚餓了

-很厚肉,又厚切,有口感,都入味

-不錯的

2) 蜜汁燒鳳肝

-呢個就普通喇,因為個肝比較實咗少少

3) 蜜汁烤叉燒

-是有水準之作因肉質夠鬆,蜜味度不俗,個皮都燒到微焦,所以表面會帶點挺身

4) 鹵水豬腳仔

-豬腳仔腍,不過彈性度不高

-鹵水味只喺溫和

 5) 香茜皮蛋蒸蟹拑

-蛋白部份有點似粥底,因好滑,是緊緊凝固嘅熟度,+上香茜皮蛋嘅味道,如閉上眼睛嘅話,真喺好似食緊皮蛋廋粥咁架

-蟹拑肉質結實,鮮味度ok的

6) 香蔥田雞魚鰾煲

-上枱的1刻好香

-田雞腿大隻,肉有彈性,不過無嘜味,全憑個汁嘅惹味

-魚鰾很彈

7) 脆皮炸子雞

-皮薄又脆,唔會好多脂肪

-肉嫩滑,略嫌雞味比較弱

8) 菠蘿咕嚕肉

-想到有質素嘅咕嚕肉並唔容易

-先由個醬汁談起,個人喜歡要掛醬,個汁嘅酸度不能搶喉,而個肉要炸到脆挺,而中間嘅肉就要夠鬆

-這個差唔多全部做到,小小挑剔個肉嘅鬆度不夠明顯,如果可以切厚些少,可能有機會發揮到鬆嘅元素

9) 台山焗釀豆腐

-好特別,從來無食呢款焗釀豆腐

-除咗肉碎外,仲會有鹹蛋黃碎

-所以都會帶惹味,但又唔會過鹹/重手

10) 鮑汁柚皮唐生菜

-柚皮並唔喺我杯茶,但這個柚皮都算處理得不錯,因無酸,無"劫"味,也都鬆化

-我就比較會挾底下的生菜喇

11) 香茜皮蛋牛崧泡飯

-這個ok啦,味道合格,湯底都算濃味

12) 炸麻圓

-雖然個皮好似厚咗d,但勝在熱辣辣,外面嘅芝麻皮炸得微脆,裡面好軟熟,軟糯,之後芝麻餡都香,夠流

13) 麻茸包

-香港不易到麻茸包,食友話比我聽美x有,不過我好少去

-上次喺中環陸x食過,真喺麻麻地

-這個麻茸餡不乾,麻茸味都ok出,算是合格了

14) 欖仁馬拉糕

-都夠鬆

-合格有餘

-席間同食友交流,佢介紹我除了大榮華外,可以試吓逸x軒的

後記

1) 餐具

2) 好多謝攪手嘅安排,雖然最後費用同預算要稍為增+,但都無嘜所謂...........聞說有人對此飯局有微言(不清楚喺對價$$$$定喺安排上)........我都贊同有食友講攪飯局喺1個吃力不討好的工作.........當有機會自己試吓時,就會知道中間要打點嘅事不少,同店方/食友翻來覆去咁交待跟進..........尤其set個menu出嚟同negotiate個收費時........又會有好多突變嘢...........所以我都好討厭有成員喺過程上/結尾後多多意見.........我寧願你1早就reject我建議嘅食肆/索性唔好join.......你要求多多,咁就自己揸旗攪..........口講不要呢樣,唔好嗰樣,幾咁容易呀........最後就累死攪手要逐1滿足,幾難balance..........所以人哋攪嘅飯局,而我選擇得參與,就會比晒人話事.......就算坐位安排都無異議..........最後比$$$$就是了 

3) 這餐都是滿意的,雖然無嘜1鳴驚人之作,但全部合格有餘,無嘜失手...........跟同樣攞星嘅金葉x比,已是好好多了 

4) sorry,這批相好多都lock唔實focus