2012年7月17日 星期二

Mensa@銅鑼灣 - 愉快試食

Mensa

地址 : 銅鑼灣禮頓道95-97號星輝大廈地下B&C鋪
電話 : 3489 8266
消費 : 免費因喺店方邀請
整體評價 : fair與good之間
* 這食評沒載於其他公眾飲食平台

 

多謝店方的邀請...........jul 14, 12............2人來dinner..............從menu上叫咗 :



4 courses set x 2 (@$348)
1) bread
-經理介紹這包喺自家焗製,拎上手暖熱
-做到外脆內軟,合格有餘
-最突出反而喺羮匙上的dip sauce
-我同友人對嘅味道感受不1,這醬用咗真蒜+truffle+白酒,我先食到truffle,微酸,之後先食到蒜味
-但友人就先食到蒜味
-所謂真蒜,聽經理話,這些蒜頭喺由英國入口,喺原粒過,沒有1瓣瓣的
-有咗呢個醬,我放棄咗平時鍾愛嘅黑醋汁
-經理都知道佢d客都好鍾意呢個醬,所以會keep住用佢跟包嚟serve客



2) appetizers
i) celery root panna cotta served with caviar (hk$138)
-如常,我都會要求經理/侍應brief吓我個menu同signatures
-這是近期新+入menu的,有鑑於天氣炎熱,所以+咗1個室溫嘅湯
-個panna cotta喺由西芹頭攪成蓉煮成,很滑,膠性不重,第1口食,有芹香味,帶點甜味,兼且有些少甘味,之後甘味被味蕾適應咗,所以就無咁出了
-面頭嘅魚子醬帶點鹹味
-而個湯就喺由紅西柚肉,所以又會有少少果酸
-這個湯嘅味道未為好有驚喜,不過作為對抗炎夏嘅1個嘗試,創意新穎度好高,質地清爽,味道有點獨特,甘,芹味,微甜,少鹹,酸都有,又有新鮮dill草,所以都幾豐富吓,坊間亦好少飲到, nice try
-不過喜歡這味道與否則見人見智



ii) homemade duck liver pate (hk$138)
-這是經理嘅推介,咁我當然相信,照跟,而且我較喜歡食唔煎嘅鴨/鵝肝的
-每家嘅pate都會自己嘅配方,唔會透露,我笑言就算講咗比我知,我都唔會識煮,hahaha
-鴨肝結實,密度高,鴨禽味濃,幸好無over
-面頭其實仲有truffle碎,很濃truffle味,配以碟上嘅balsamic sauce同硬脆多士同食,並不單調
-最後仲有旁邊用玉桂煮過嘅蘋果細粒
-很不錯的1個前菜

3) soup
i) 普羅旺斯海鮮湯 (hk$78)
-前排先喺別的店子飲過bouillabaisse,都想同呢個比較吓
-上枱時都聞到幾鮮味吓
-小"杰"身,但很鮮味,相信有龍蝦之類嘅甲殼動物材料,也惹味
-沒有放很重嘅忌廉在內,所以飲完唔覺得好膩
-湯肉仲放咗2小薄片帶子
-gd



ii) 菇湯 (hk$78)
-菇味濃,但又無想像中咁強
-當中亦有點咬口,似+咗切碎咗嘅菇"定"同煮
-不過都喺覺得海鮮湯好味d

4) mains
i) roasted suckling pig served with garden vegetable (hk$198)
-近排食咗3間中式食店嘅燒乳豬,今次當然要食埋西式嘅啦,而且聽說這正是該店嘅signature之1
-雖然羊扒都嚟咗,但選擇趁熱食咗乳豬先
-個皮喺個好味指標,所以第1時間咬落去..........這個皮可以脆d更佳,做到脆得徹底同俐落
-肉很嫩滑,調味不重,主要食其原味,或可伴以碟底嘅sauce
-另外伴的garden vegetable,焗/grill得好似乾身咗少少


ii) slow cook rack of lamb served with red wine shallot sauce (hk$228)

-據說這羊架用上低溫慢煮方式做
-厚切
-不過出嚟嘅效果略嫌喺全熟,變咗d肉會帶點韌,需要大力的切,為保肉質鬆嫩,個人喜歡大約5-6成熟左右就好了


5) home made desserts
i) poisson lily (hk$68)
-見這個甜品名好特別,所以問侍應
-估不到lily喺佢哋同事個名.........這個甜品喺以lily命名.........心諗咩lily好毒咩?_?...........XDD
-侍應介紹咗喺1個無麵粉嘅開心果蛋糕,中文譯名喺綠池小仙子..........咁叫番英文會gimmick好多
-我同友人都笑得好開心,因為個story,所以我就揀呢個啦
-侍應仲話等陣叫lily出嚟serve我哋........我驚愕的問 "嘜佢有返工咩?"
-最後真喺由lily親自將這道以她命名嘅甜品放在我哋嘅枱上
-原來lily喺1名甜品chef.......並同我哋詳細咁介紹呢個甜品
-先要將蛋糕面頭嘅自製拖肥醬spread開,而蛋糕內的開心果仁原來喺有粗粒有幼粒.........很認真
-入口蛋糕小暖熱,夠鬆,夠moist,很有開心果味,重要喺開心果味很真實,唔假,亦因為有粗粒開心果仁,所以有口感,甜度輕手
-配合埋個甜度唔過高嘅拖肥醬,很充實同滿足
-旁邊嘅雪糕都唔可以小觀,個賣相令我諗起年多前,hg有隻季節限定版嘅mille feuille雪糕...............酥皮碎+埋雲呢嗱味為base嘅雪糕,無得點錯嘅理由
-全個甜品好得,好有水準................坦然本來對佢無期望,所以反帶來有驚喜.............對甜齒的我嚟講............喺全晚嘅亮點
-我只feel到lily對甜品嘅passion..........無嘜poisson成份.........hahaha
-後來回想,這個poisson喺多咗個"s".............又唔喺解有毒喎~~~~~可能別有意思



ii) daily special (hk$68)

-因為友人對lavender味嘅心太軟有點介心,所以叫了當晚special - strawberry mille feuille
-這個mille feuille喺薄version,做得好鬆脆,不過如果牛油香明顯d同出d,會更好
-我expect會有custard cream喺中間............不過只喺得士多啤梨薄片同custard醬
-味道上喺合格有餘............不過結構上好似單薄咗d...........又或者我近期喺灣仔嘅新餅店passxxx by gerxxx duxxxx食過1個有水準嘅mille feuille,所以相對地呢個跑唔出個性來







後記
1) 首先真的要多謝店方嘅大方邀請...............感謝~~~~整體每碟菜嘅presentation都好靚..............唯獨主菜有要改善嘅地方.............整體喺1個愉快嘅晚上..............因為店子比較細............所以枱與枱之間難免會擠迫咗d..............亦因為咁,我就可以清楚望到格離枱嘅菜色無論賣相同份量都同我哋相若 (大家叫相同嗰d)............據經理講,menu為咗要keep住食當造食材............所以每2個星期轉1次

2) 店內環境


3) 打岔講吓1d試食邀請嘅體驗................試過收到1d店方/pr嘅試食邀請...............當佢哋知道我唔會將試食後評post在openrice後 (以前試食無咁風行時,我都喺openrice post過1篇)..............8成以上即刻光速閃人............更甚者試過表面話無問題............點知到約期時,遲遲都唔confirm..............之前1日,我唯有親自打去留message問個期其實ok與否..............我並非貪食1餐免費飯............只喺想攪清楚............要同友人交待1聲明天究竟堅定流.............pr才回電郵辯稱easter前後,有客包場,店方遲咗覆佢.......之後問我個試食可否喺安排於easter後..............我話無問題............既然痁方咁爆場,我反建議叫店方比個期出嚟................之後就不了了知......................我當然唔會咬住唔放.........1齊盡在心裡............呢個喺我唯1-ve嘅試食邀請experience.................個pr毫無專業可言.............好似比佢玩咗1場咁...........不過諗深1層,都喺我自己做多咗.........人哋連個期都唔覆,就應該conclude到對方無誠意/想縮沙..........唔需要去reconfirm.............直接了當通知友人個試食call off咗就完事啦

2 則留言:

  1. 所以我唔會去試食囉

    回覆刪除
  2. 睇落唔差,但真係要俾錢食時就唔知點

    回覆刪除