2010年1月7日 星期四

大班樓@soho - 炸工1流


地址 : 中環九如坊18號地下
電話 : 2555 2202
消費 : $320/head <--絶對優惠價,自己去1定唔喺呢個價
整體評價 : good


1st visit
今次飯局,我喺好主動出擊,幸好waiting list個位都博得上,dec 14, 09,3圍來食dinner,攪手準備好 :

1) 小食 - 櫻花蝦
-聞說由台南訂來
-烘得乾身,脆脆哋,唔油膩,最啱送酒

2) 龍井菊花燻乳鴿
-好有煙燻嘅香味,入口就燻味就變得溫和
-鴿肉仲好嫩滑
-不過就食唔到菊花味

3) 網油粿肉
-呢個喺嗰日店主去完街巿後先決定做呢道古法名菜
-我好似無食過呢樣嘢
-外邊用豬網油包住芋條,肉絲
-豬網油經炸後都小脆口,但主理人只喺比自己50分因未去到佢想要嘅酥鬆度
-我已經收貨

4) 酥炸獅子魚配陳醋
-條魚真喺炸到食唔到有骨,全鬆化,只喺頭位有粒硬石之類
-但又唔覺得油
-聽到主理人同食友講條魚浸咗4個鐘油先拎去炸,才有呢個效果
-好嘢

5) 卥水豬下巴配蜂巢豆腐
-聽說豬下巴唔易食得到
-薄切,卥水味帶甜意,夠味
-大家都讚嘅蜂巢豆腐,好有豆香,外面又炸得好鬆薄,不能不佩服佢嘅炸工了得

6) 金銀蒜蒸紐西蘭蟶子皇
-呢個我就覺得未見突出因為唔多食到佢嘅鮮味
-肉亦唔覺得彈口,只喺乾腍
-蒜香倒是足夠的

7) 天麻川弓百芷燉龍頭湯
-龍頭即大魚頭
-藥材味唔太濃
-店方擔心我哋飲完呢個湯會好熱,主動講要開大冷氣隨時開聲
-有食友上次去過西x嘅花鱔局,佢哋話嗰個大鱔頭燉湯真喺好有效/堅,好行氣活血,未飲完,個身就發"滾",真喺滴汗

8) 雞油花雕蒸大花蟹配陳村粉
-上枱時已聞到好濃酒香
-個蟹好有質素喺大家公認的因肉質堅實又肥美
-只喺個汁食落有少苦,花雕可落少d去避咗呢個-ve味道
-特別配以陳村粉,食法喺將陳村粉放落個汁度浸/索吓先
-陳村粉薄,叠埋,有彈性,少煙韌

9) 野生羊肚菌炆腐皮
-全味最突出喺腐皮
-我最深印象喺內裡嘅腐皮質感嫩滑到好似食緊豆花咁
-有款乾菌片就帶爽同煙煙的口感

10) 蔥蒜沙茶大蝦煲
-當我同佢哋脫皮嘅時候,身旁嘅食友就全件放入口咀嚼因個沙茶醬會"痴"住個蝦殼多過蝦肉,咁又喺喎
-蝦肉爽彈,鮮度則1般啦

11) 大班樓18味雞
-諗住叫18味,個醬汁嘅味道1定好豐富同層次
-醬汁未見明顯複雜度
-雞喺用上活雞,我揀嗰舊肉質唔鞋,但有食友話佢哋食嘅部份都"鞋鞋"哋

12) 梅乾菜南棗炆豬肉
-個人唔識欣賞因成個汁比較鹹,梅乾菜亦粗"鞋",之後肉質亦實,我嗰件已有好多肥膏都實
-反而食友話個南棗好味

13) 3蝦炒飯
-炒得好乾爽,飯亦有咬口,好少中式炒飯個飯會有微咬口,所以可以腍番些少就似番中式style
-3蝦嘅意思喺蝦肉,蝦乾同蝦醬
-但呢個蝦醬味唔出

14) 白粥 x 4
-店方特別上咗4碗比我哋試吓
-內有白果,食到有陳皮味
-粥的"糊"度強,有食友懷疑店方將煮開咗嘅米花打爛再煲
-我就覺得似無味版嘅腐竹白果

15) 杞子雪糕
-我同另1食友share,因有2隻雪糕味唔喺每人可以每款味都1球
-好特別嘅雪糕味道,1定喺自家製啦
-其實無咩杞子味因杞子都無咩味嘅
-重奶味,甜度正常

16) 薑汁雪糕
-我再同食友share埋呢個,咁大家都可以試齊2隻味
-薑味唔重手,不過呢個好易就溶

17) 生磨杏仁茶
-用好似espresso嘅杯仔上
-個糊"杰"度好強,質感介乎茶與糊之間(其實偏向糊多d),無+蛋白都可以煲到咁濃咁"杰"都好好嘢
-好有杏味,但有食友對於用杯咁"杰"嘅杏仁茶作結,糊住個喉嚨,好似heavy咗少少
-但我同另1食友就好鍾意,我同佢各飲咗2杯,我哋都覺得咁先至有料到
 

後記
1) 好高興攪手可以有位比我"攝"埋入去..........多謝佢,我先可以見識1吓其1主理人天哥(老行尊重出江湖)嘅酒家..........佢嘅菜多數唔喺貴價嘢,不過着重個煮法同心機.........堅持原味同靚料

2) 我哋1路食,1路講,點解食咁多樣嘢,又有埋蟹都喺$300幾蚊1個人........真喺唔知攪手同店方點傾.........可以有個咁優惠嘅價$$$$..........我哋笑言莫非攪手之後要留低"洗大餅"???...........hahaha

3) 坦白講我事前對呢餐好有期望...........但有幾味都可以做得出色d........不過叫做了咗心願,唔會心掛掛~~~


點樣去???
1) 上中區電梯.........上1段.........見到威靈頓街嘅樓梯

2) 落到地下........轉左行

3) 行到去威靈頓街口..........轉左,對面見到有筷子記

4) 繼續向前行............直至見到蓮香個corner

5) 望上面斜路...........過對面馬路(小心車,都幾密).........去間酒店

6) 喺酒店呢條街入.........向前行

7) 就喺中後段度

沒有留言:

張貼留言