皇仁書院舊生會(中菜部)@銅鑼灣 - 估佢唔到

皇仁書院舊生會﹝中菜部﹞

地址 : 銅鑼灣道皇仁舊生會

電話 : 2576 1333

消費 : $250/head (ie total $14,750)
整體評價 : impressed

1st visit

oct 14, 09,59人嘅大局,筵開5圍,攪手安排咗 :

1) 碧綠鴿脯桂花蚌

-第1道菜,色彩繽紛,白色的花枝,橙色的珊瑚蚌+紅蘿蔔片,綠色的荷蘭豆,黑色的木耳,啡色的鴿肉片同3色椒

-味道講不上驚嘆,但也有個奪目嘅開始

2) 百花西汁蝦膠釀油條

-用甜酸包住炸過嘅蝦膠釀油炸鬼同蝦球

-個釀油炸鬼無食到成口油,都脆,蝦膠都彈口

-個蝦球都小爽口,難得喺無泡油後變得乾晒

-明顯的掛醬

-配料有3色椒同蜜桃

-全碟甜甜蜜蜜

3) 菜膽杏汁白肺湯

-封晒紙去燉,好保密同存氣

-飲落好有杏仁味,用了少量的鹽調味,所以令我即喺想喺變成甜版嘅杏仁茶.........hahaha

-佢嘅杏汁沒有做成幼滑版,所以都見都1點點的,但又唔會"鞋"襯個口
-+有菜膽,所以都甜
-個豬肺都食咗幾舊

4) 桂花蜜餞桶蠔

-每隻蠔都極之肥美

-個皮煎得挺脆,裡面仲好juicy

-底下喺洋蔥絲

-第1次食用桂花糖作汁,呢個桂花香度適中,唔喺好濃,但個人喜歡掛醬手法,所以如果調得"杰"身點相信會好好多

-但呢味真喺好出色呢~~~~

5) 柚皮炆鵝掌

-有蝦籽柚皮，鵝掌同生菜(底下)

-柚皮唔喺我個人嘅"飛佛",所以唔識講呢個做得好唔好

-食咗1隻鵝掌,炆得亦腍,膠性幾重,,因食完個口有少少"痴痴哋"

6) 雙冬炆羊腩煲

-個羊好有羊勁,連住肋骨嗰d直頭嫩滑同鬆添

-好夠味

-配料有枝竹,筍,馬蹄,大蔥段等

-另有菠菜,唐生菜2大碟

7) 金黃炸子雞

-個皮炸得好薄,亦無嘜油

-肉質有彈性,喺新鮮雞,但雞味就弱咗d
-我唔食皮,只喺為咗試吓先咬咗1啖.........被身邊嘅食友話我side嘢

-多謝食友教導點分新鮮雞..........原來喺會揀雞胸食,如果都鞋,有"un"性,唔鬆,咁就喺喇.........多謝賜教~~~

8) 生炒糯米飯

-夠味,不過我就略嫌個飯比較腍身

9) 蝦籽伊麵

-少見撒有蝦籽嘅做法

-ok,只喺如果伊麵可以硬少少好d

10) 水果

-西瓜清甜

11) 腰果糊湯丸

-呢個簡直有水準有質素,我食咗2啖之後,都即刻叫"打包".........宜家諗番起,都無嘜禮貌添.............sorry.....失禮晒~~~

-個腰果糊好有nuts香,聽到有專業食友話喺用咗mixed nuts,我都肯定足料無溝粉,又唔太甜,又滑

-個湯丸皮就腍咗少少,個芝麻餡都夠濃同甜.........對我嚟講,唔喺好甜
-好滿足
-多謝食友幫忙,拜託侍應連隔離枱剩下嘅腰果糊都打包埋比我因我哋嗰枱食淨好少(我緊喺有番碗啦.........hahaha)

-第2日食番,都好好味

後記

1) 呢度要會員book位先有得食...........多謝攪手為大家解決呢個問題

2) 無諗過呢度日間做o靚仔生意.........晚間就變成中菜飯店.........仲要有質素,做法有2味幾有新意.........雖然呢度環境就欠奉,但個服務比起好多高級食府還窩心同親切.........佢會跨枱同你斟杯白酒(嗰枱食友自攜的)番嚟...........又唔比你自己分嘢食.......又識同你講笑同攪氣氛

3) 近期滿意又食得開心嘅中餐 

點樣去???

1) 佢"痴"住皇仁書院..........不過佢嘅入口喺背面,即銅鑼灣道...........近維景酒店對面