甜入心@深水埗 - 窩心小心思

甜入心 

地址 : 九龍深水埗福榮街57號地舖
電話 : 5598 1186
消費 : -


may 25, 13............跟食友們嚟試食.............8人嚟食咗 :

1) 果茶 (免費)-這裡少有咁提供自助斟凍茶飲,佢唔喺中國茶,而喺熱情果同橙煮過嘅果茶
-果味溫和,微微甜意,不錯

2) 香檳果凍 x 2 (@hk$29)

-香檳味重,無欺場
-果凍會表現震騰騰,入口膠性不重
-清甜
-伴以3款生果,今日佢嘅呂宋芒果很熟甜
 

3) 滑爽爽 x 2 (@hk$27)
-有vanilla雪糕,鮮芒果,茶凍,椰奶等
-賣點喺用咗berry味果茶作jelly,微酸,同樣膠性唔重,質地軟身自然

4) 焦糖布甸椰皇子 x 2 (@hk$30)
-呢個喺好like嘅甜品
-舖上1個焦糖布甸,甜度不過,滑,如焦糖味出番d更佳
-最底下喺用椰皇水做成嘅jelly,很清香,喺無溝淡到嘅椰皇甜味,質哋不實,入口就散開
-gd


5) 芒果窩夫 (hk$33)
-waffle外表喺脆,不過食到微微苦味,否則屬有水準之作


6) 風花雪 (hk$25)
-呢個有豆腐花,鮮芒果,雪米糍同椰汁
-佢嘅豆腐花質素同平時食到嘅唔同,有點似杏仁豆腐嘅質感,不過就無杏仁味,反而有豆奶味-ok的

 

7) 棒子脆脆拿破倫 (hk$35)
-這個拿破倫嘅pastry喺用上入口貨,焗到好薄脆,鬆化,1cut就碎開
-棒子cream嘅棒子味濃郁又滑
-伴以芒果同士多啤梨,我們很好運,今曰2種生果都香甜

 

8) 海底椰燉奶長木瓜 (hk$30)
-木瓜都幾大隻,清甜
-舖咗好多海底椰,之後就喺燉奶

9) 榴槤飄香 (hk$32)

-我就無試喇

 

10) 棒子梳乎厘 (hk$35)
-個梳乎厘都焗得幾高,外表對辦
-裡面濕潤,亦很濃棒子味
-另外雪糕上嘅薄脆估唔到都喺亮點,喺印尼小食嘅變奏,除咗鬆脆,有點香料味外,當中亦+有棒子碎,令塊脆脆更+個性
-個雪糕嘅朱古力味濃,唔喺牛記貨色
-其實雪糕球後喺有生果伴碟,不過我呢個角度影唔到佢哋

11) puff噴泉 (免費)
-更令我估唔到就喺原來呢個噴泉裝置喺比食完嘅客人
-因為最後每位客人都會有1粒puff,自己去個噴泉蘸上朱古力漿
-真喺有得食有得玩
-有gimmick又有心思,等個客最後都甜住離開

後記

1) 再次多謝食友............先有機會來試食

2) 餐廳內環境+餐牌



3) 今次食到嘅出品全部都唔差...........好味的也有好幾款..........反而最impress我喺個免費自助果茶同最後嘅puff朱古力噴泉...........呢2點都喺為全部食客而設,唔喺因為今次去試食先有.........呢個細微之處嘅心思唔多喺其他食肆搵到...........更無諗過喺深水埗呢d低消費區搵到

4) 餐廳請來consultant幫手............呢個consultant好practical,對味道質量有要求............而且亦有經驗,可以提出到有心思有gimmick嘅免費細節去留住d客/ outstanding間舖出嚟............呢間甜品店,可以講喺區內最具質素.............亦了解區內嘅消費能力............雖然唔講得喺區內最低............但以佢份量咁足,味道有質素...........絶對value for money............希望店舖可以keep住水準,盡量吸收consultant教佢嘅秘笈