香港潮州商會會員俱樂部@上環 - 叫做去過

香港潮州商會會員俱樂部

地址 : 上環德輔道西81-85號1樓

電話 : 2549 9399

消費 : $410/head
整體評價 : fair (因計埋個價$$$$) 

這裡行很嚴緊嘅會員制........自己好難找到機會來...........難得見食友喺呢度攪局........當然要即刻報名啦...........feb 21, 11.........共4圍...........攪手安排咗 :

1) 手撕凍烏頭

-睇得出花了好多心機同時間去拆肉,而且相信是用上了2條魚先得

-很厚肉

-先淨食1口,不乾,也juicy,但有1陣很難形容嘅味道,它不是泥味,不是腥味

-所要要蘸上豆醬汁先可以完全蓋過這種味

2) 檸檬燉鴨湯

-呢個喺我當晚最欣賞嘅菜,是全晚嘅見識所在

-第1次聽同飲呢個咁特別嘅湯

-我這碗不油,但見身旁食友嗰碗都幾油吓

-呢款喺鹹檸檬,諗都無諗過可以用嚟煲湯,誰不知味道是出奇的夾同好味

-有微酸嘅檸檬味之餘,也有鴨嘅肉鮮味,鴨肉仲好嫩滑添

-很不錯嘅味覺experience

3) 滷水鵝伴鵝肝

-經理介紹用上獅頭鵝

-曾有食友話比我聽獅頭鵝可以養到好大隻,大隻到如果我站喺度,可以同我kiss

-而且攻擊力好強,潮州人會養佢守門口都唔養狗

-但人們往往只食佢哋條頸,因其他地方都好鞋

-這個鵝片同肝真的粗鞋,同上星期的潮x邨比,真的比下去

4) 家鄉糯米蟹

-陣容好頂盛呀

-上枱時已聞到很濃鮮的蟹味,大家都好急不及待,快快影相

-很大隻蟹,蟹的肉質略欠結實,佢並唔喺削

-鮮味度同啖啖肉的口感都不錯

-全碟精華所在就喺墊底嘅糯米飯,因佢會直接索晒d蟹汁,大家都爭住要食。幸好份量不少,全部人都可以有2nd round去"匹"

5) 咸菜1/2煎煮馬友

6) 普寧豆腐伴蝦棗卷煎

-呢個拼盤有3款小食

-有蝦棗,煎卷同炸豆腐

-蝦棗有彈口,調味自然,喺3款嚟講,最鍾意的

-而煎卷以蘿蔔絲為主,味道普通

-炸豆腐本身有個韮菜sauce伴,豆腐真喺好滑,不過個豆燶味亦強到不得了,所以不是我杯茶

7) 春菜煲

-因為+咗d咸肉,所以湯底好夠味

-呢個菜嘅煮法喺要煲腍佢就得

-身旁嘅食友見我只食咗葉,就叫我要食吓個菜柄,會有少少甘甘哋,不過可能湯底味濃,所以都唔多覺其甘味

8) 白粥

-正常

9) 潮州炸油粿伴奶皇酥

-炸油粿外鬆,口感帶煙韌,裡面喺豆沙餡,都ok的

-而個奶皇酥就好得,1咬吓去,我就即喺諗起中秋節時某酒店出嘅迷你奶皇月餅

-後來1食友講以前嘉x樓嘅奶皇月餅師傅現在這裡做,怪不得味道咁似曾相識啦

10) 銀杏芋泥
-初時大家都好困惑面層嘅透明液體是油還是水

-我先"匹"起lai吓,黏密度唔高,唔似喺油嚟,後來食友講喺芋頭本身經沉澱後嘅水份

-個芋味好濃,質地細滑

-不錯

11) 合時生果

-木瓜配檸檬汁嘅組合,我第1次喺緬甸食到,但當地喺用越南/泰國嘅細青檸

-但這個木瓜不夠熟,所以比較實同唔甜,未能發揮到呢2款食材合拼嘅火花

-所以緬甸嗰次嘅好味經驗,現還是好深刻

後記

1) 先多謝攪手嘅effort..........因要攪4圍真不易.........聞說食店對安排5x幾人嘅食物都有點微言,因要搵上咁多隻有質素嘅蟹都不易...........始終食店明顯不是追求爆場...........平時也甚少full晒

2) 不過這裡真的不便宜........可能喺個糯米蟹同馬友貴啦.........聽經理說平時佢哋最低消費好似喺$350/人