愛美素食坊@銅鑼灣 - 令人讚嘆 (closed)

closed

愛美素食坊

地址 : 銅鑼灣軒尼詩道417號海外大廈13樓

電話 : 2893 8760

消費 : $200/head (ie total $2,000)

整體評價 : excellent

oct 09, 10...........好期待嘅齋局,因預早3個月先book到........10人嚟食私房齋宴..........店方安排咗以下美食 : 

1) 醬芥

i) 唔辣黑豆醬

-自製

-好鮮味,就算淨食都惹味

-本來想買1樽細的送比屋企人,不過無貨,唯有遲d先啦

ii) 辣黑豆醬

-其實都唔喺好辣

iii) 辣椒醬

-呢個我就無試過喇

2) 熱土茯苓健康飲品 (試飲)

-據稱有美顏,排毒同去濕嘅功效

-味道唔難飲,亦唔會好濃土茯苓嘅味道

3) 涼伴珊瑚

-上次去心x第1次食珊瑚,但當時無close up影出嚟,今次就可以影出嚟比大家睇

-佢來貨嘅顏色喺紫紫哋,初時我以為佢經後期醃過添
-伴以番茄同番石榴(好甜)
-呢道頭盤要+埋少少好勁嘅wasabi豉油同食先精彩

-店員介紹wasabi豉油喺日本訂番嚟,的確好攻鼻,只要放近鼻索1吓,包你通鼻塞

4) 荷塘伴月

-賣相超靚

-墊底嘅荷葉喺真嘅

-除咗冬瓜之外,仲有素肉,紅棗,白果,蓮子,杞子同夜香花

-冬瓜好清甜,肉腍

-而個高湯喺用咗胡椒,大豆芽,紅棗,甘蔗,乾草菇,紅蘿蔔等材料整成

5) 相映成趣

-呢個喺當日唯1嘅炸物

-1個喺炸絲瓜球,1個喺素春卷

-絲瓜球只喺用上絲瓜皮+粉糰,沾脆漿去炸,但出嚟效果味道普通

-而春卷就可以的

-炸物就伴以檸檬蜜糖汁/ 山楂雜果汁

-最後個大番茄,店員事後幫我哋切開+埋d醋再用小碗上

6) 真假難分

-1粒粒打圈嘅就喺用蒟蒻做,爽口兼微彈

-用上了惹味嘅自家黑豆醬同炒,紅黃椒又甜

-用雞肶菇舖成花瓣,整體賣相好靚

-好好味

7) 田園多寶羮

-因為+有芫茜,所以令我哋聯想起芫茜皮蛋魚片湯

-其他材料仲有金菇,雞肶菇,竹笙等

-而個湯有d蓉嘅口感,原來由翠玉瓜打成的

-食緊齋都要諗起肉食,罪過罪過~~~~

8) 紫氣東來

-呢個串燒迷你兄弟都幾好味,喺紫菜包住腐皮,+以沙茶醬

-連埋檸檬片(連皮食),青瓜同紅椒1齊食,會令味蕾帶複雜嘅感覺

9) 金銀玉翅

-用咗日本南瓜

-建議+埋醋汁(混有鎮江醋)同食,會令人感覺似食緊大閘蟹

-底下嘅素似群就無咩特別

10) 秘制白玉

-店員介紹白蘿蔔今次用咗韓國貨

-而素牛腩就喺牛蒡+蒟蒻做成的,質感始終不似真牛腩

-反而個蘿蔔好甜,無渣

-個汁就更好因有埋唐芹嘅味道

11) 情如手足

-初時睇名都估唔到喺咩嚟

-喺大家都好飽嘅時候,端來又米粉又炒飯,大家對眼都有點呆滯,hahaha

-但喺點都要每樣試1啖

-炒粉也不錯,無嘜油

12) 天女散花

-先試炒飯,食友即刻話比我聽喺隔夜飯,因為乾身之餘,但有點煙韌,味道當然無問題,只喺太飽啫

13) 果盤

-木瓜好甜

14) 鴛鴦美點

-深色喺土茯苓健康飲品整成糕點

-白色喺椰糕

-2者嘅質感偏向彈,所以似食緊啫喱咁

15) 淮山3寶露

-底用淮山打成蓉煲

-3寶即喺有西米,綠豆爽同薏米

-真的很少甜

後記

1) 店內環境

2) 因為有次同食友講開攪齋局,就令我諗起呢間有口碑嘅地方..........估不到7月初打電話去..........要check到3個月後先有呢個期...........真喺難以置信..........另外就喺1食就要包下1整枱,坐10-12人啦.........都未諗掂夠唔夠人.........都照lock咗個期先喇..........幸好喺食友嘅幫忙下..........終於搵齊10人

3) 店方嘅主廚amy同負責招呼嘅daisy都好好人...........因有部份食友要放咗工先嚟........已經book到最遲start,佢最後都等到我哋2點幾齊人先上菜..........多謝晒

4) 因為份量好多,所以最後要打包咗好多盒嘢走~~~ 

5) 暫時愛美喺我食過最好味嘅齋...........真的希望可以再嚟........宜家唔知佢個期要排到出年幾時喇........不過聽說出年會+價~~~~ 

6) 今次我打點得不夠細心..........忘了事前問大家對菜單有咩要求/有咩唔食得.........所以交晒比店方揸主意........下次我會做得好d架啦~~~~多謝大家嘅參與 

7) 當日忘不了食友攪笑嘅迷網遭遇............真喺笑爆嘴~~~hahaha