2009年4月22日 星期三

the sniper - 神鎗手



apr 11, 09嚟睇

方克明(任賢齊飾)是警隊中最精銳的狙擊手,並在機緣下巧遇1名軍裝警察O仔(陳冠希 飾),即被其1副神鎗手氣質吸引,邀他加入狙擊手部隊。經過艱苦的測試後,這個天才少年終成為警隊狙擊手。O仔入隊後,誓要成為首席神鎗手。然而,神鎗手榜中竟然還有另1個傳奇:這個他,曾經壓倒克明,高據榜首4年,此人現在何方?
赤柱監獄之單獨囚室中,困住1名銳不可當的鐵漢,他名叫凌靖(黃曉明飾),因1次「誤殺事件」令這位前首席神鎗手變成階下囚。凌靖出獄後,即策動大反擊,並暗中協助捍匪們,攻打囚車救出賊黨之首領,之後更提出合作計劃1樁2億劫案!但凌靖的真正目標並非金錢,卻是要挑戰克明與其狙擊手部隊,欲親手單人匹馬把狙擊手全隊打敗,而年少氣盛的O仔亦希望與高手過招,與凌靖1決高下。3位神鎗手,各有所思,帶著恩怨情仇在鎗林彈雨下之鬧市中決1死戰......

後記


雖然本片只得大約87分鐘.........但拍得緊湊,明快

初時黃曉明出場時,其實佢嘅背景/角色性格(同任賢齊嘅恩怨,入獄原因)交待好模糊。當然知道喺有意咁做,因可以吊住觀眾睇落去..........我當時諗,用得呢招,劇情嘅後段1定要交到功課先好...........事實真喺1路睇,1路慢慢咁講番黃曉明由狙擊部隊嘅神槍手去到倒戈相向,拼成完整嘅過程交待.........就好似由lock唔到focus嘅叠影像慢慢咁tune到去高清輪廓咁.......即刻明晒

喺故事上,大致有3條線 - 任賢齊訓練陳冠希成材, 廖啟智兄弟人劫囚車,準備做世界, 黃曉明向任賢齊報復,呢3條線構成1個環。最喜歡就喺對黃曉明呢個角色塑造, 本身話佢已經有性格問題.........繼而因為任賢齊嘅假證供..........大大改寫佢嘅命運同將其性格陰暗面推向更谷底,時而挺賊黨,時而反賊黨領袖。黃曉明嘅角色就有d殺警差人同另1齣電影 - 神探嘅影子

全片不乏開鎗場面.........但唔喺槍林彈雨嗰種,因狙擊手通常都佢哋喺遠距離出手,並非埋身肉博嗰隻,最後嗰幕,任賢齊連同陳冠希1team對壘late埋嘅黃曉明,見到狙擊部隊1個個比黃曉明spot中,而任賢齊佢哋就要同時間比賽,盡快locate到黃曉明嘅位置,瞄準,鬥快開鎗,好緊張

片中黃曉明同陳冠希都好型,但以黃曉明交到戲多d

3 則留言:

  1. 但據聞呢套比証人差
    而且都幾有鎗王既影子

    回覆刪除
  2. 咁就算未攞獎前,都好似有人咁講
    咁你兩套睇o左未呀

    回覆刪除
  3. 今日睇左,我都係比較鍾意《証人》多 d。

    回覆刪除