2009年4月2日 星期四

Oliva di Oliva@尖沙咀 - 意大利地庫 (closed)

closed


地址 : 尖沙咀河內道5號普基商業中心地庫
電話 : 3169 3364
消費 : $300/head (ie total $900)
整體評價 : good 

見2個食友嘅後感良好,mar 26, 08,3人來dinner,叫咗 :

1) 麵包籃 (免費)
-個麵包籃有成4款,可以
-最值得1提喺除咗例行嘅橄欖油/黑醋之外嘅肉醬.........我唔知喺咪自家製,肉質無"霉",亦惹味
-用嚟塗麵包1流


2) belon00000 x 3 (@hk$85)
-嗰晚有3款新鮮番嘅蠔........只記得呢種,因最有名氣
-以我對蠔1/2桶水嘅知識,只知道belon去到4個0.........所以聽到女侍應話呢隻喺5個0,我對眼對即時亮1亮............"咁幾多$$$$呀".........."hk$85/隻"...........以咁有名氣嘅蠔嚟講,算喺合理
-belon嘅突出之處在於重金屬味..........個人對此味1般,因首選會喺海水味同甜味.........但因為唔喺咁啱成日會遇到,所以3人各叫了1隻試吓..........當喺見識吓
-入口唔喺creamy,質感亦清爽...........嘴嚼時,就好似已經咬破金屬囊1樣..........隱隱有甜味...........但最經典喺之後嘅餘韻,足足喺口腔,牙縫持續到有成分鐘先散,好利害!!

3) carppacio del manzo con ruola (hk$108)
-sorry out咗focus,影咗好幾張,但全部都失手,呢張免強可以接受
-店員嘅推薦
-我第1次食生牛肉薄片
-牛肉切得好薄,好薄,亦好柔軟,無筋,夾埋橄欖油,火箭菜同parmesan cheese同食,都不錯
-不過牛肉1貫都唔喺我嘅杯中茶,所以食咗5-6塊就收手
-但友人就嫌無嘜味

4) vongole in salsa di vino bianco (hk$118)
-全部都喺大隻嘅蜆/沙白
-食第1隻時,"痴"住個殼位嘅部份,有少少marginal嘅熟,所以好嫩,但真喺好甜
-友人食最後1隻時,可能浸耐咗,就無咗所謂唔多夠熟嘅問題
-個汁creamy,上枱時已經聞到好香,我特意問店員攞多1籃麵包打算蘸來吃,但因為白酒含量太重手,所以個汁帶有酒苦味

5) cotto spiedini asparago gamberi in proscuitto (hk$145)
-呢個喺3個頭盤之中,大家最滿意嘅1個
-好簡單嘅材料,意大利火腿包住露筍+大蝦
-1碟有2卷,店員喺我落單時,好細心建議可以+做成3卷,但因為要守住之後嘅2個甜品,不容有失,所以就此謝過提議
-隻蝦真喺好大隻,肉質結實又爽,夾埋火腿嘅鹹香1齊食,+上露筍嘅脆,口感好豐富

6) tiramisu (hk$88)
-1個頗昂貴嘅甜品
-個底有索滿酒香味嘅lady finger,所以比1般嘅濕潤,還可以接受
-軟而不腍嘅mascarpone,整體味道很好,因食到夠酒味嘅tiramisu地方不多
-好快又比我哋ko咗佢

7) chocolate fondant (hk$98)
-第1個chocolate fondant上枱時已穿咗,裡面嘅朱古力流晒出嚟.........拉來店員問吓點解會咁...........後來佢肯收走再重做1個
-裡面嘅流心度都唔弱,但就無第1嗰個咁流
-好濃嘅朱古力味,伴以1球雪糕,好似就少咗少少~~~


後記
1) 店內setting

2) 因為友人都想試多d頭盤,所以就skip咗主菜部份

3) 女侍應好nice,佢見初時我獨自呆等,特意過來同我介紹吓餐廳嘅特別菜色,例如燒/燴春雞.........吹吓水等

4) 友人又為我帶來厚厚嘅精神食糧,真喺好感激佢...........嗰晚唔記得同佢講多謝,現送來
    

點樣去???
1) 坐kcr尖東站..........n2出口比較近

2) 之後喺向轉右後行..............30步左近就到

6 則留言:

  1. Sorry, long time no talk, very busy to move new house ar...
    How are you... Oyster, oh, I cannot stand it... yummy...

    回覆刪除
  2. 好吸引! 但每個人都叫齊full set的話都唔平.

    回覆刪除
  3. I like this italian restaurant very much~! And hope to find a similar one during my italy honeymoon on Aug, hehe~

    回覆刪除
  4. 超級粉絲個隻

    回覆刪除
  5. 食咁靚ge意大利菜,真係唔可以慳住慳住!

    回覆刪除